| e-texts navigator |
| Wylie |
140b1 ཚོན་སྐུད་རྣམ་ལྔ་དང་།། ཁ་དོག་སྣ་ལྔའི་ཚོན་རྩི་དང་།། རིན་ཆེན་ལྔ་ཡི་བུམ་པ་དང་།། གོས་དང་རྒྱན་དང་ལྷམ་ལ་སོགས།། དེ་དག་ཅི་འབྱོར་དབང་བསྐུར་བ།། རང་གི་དངོས་གྲུབ་གང་བསྒྲུབ་པ།། ཉམས་དང་སྦྱར
140b2 ཏེ་དངོས་སུ་བསགས།། རྫོགས་སངས་རྒྱས་གྱི་རྐྱེན་རྫས་ནི།། རིམ་པས་བརྒྱུད་པའི་སློབ་དཔོན་དང་།། མན་ངག་ཕྱག་ལེན་ལ་སོགས་པ།། གང་ཡོད་པ་ཡི་རྫས་རྣམས་དང་།། བླ་མེད་འབྲས་བུ་ཆགས་གཅོད
140b3 པ།། བཀའ་གསང་ངེས་པའི་རིམ་པ་རྣམས།། བདག་ལ་གང་གནས་ཡོད་པ་དང་།། ཐེ་ཚོམ་གང་ལ་ཆེ་བ་ཡིས།། མན་ངག་ཡི་གེ་གང་ཡོད་པ།། བླ་མེད་ཟག་བཅད་ངེས་བསྒྲུབས་པས།། དེ་ཡང་བསགས་པས་དེས
140b4 དབང་ནོད།། རྫས་རྣམས་འདི་དག་གང་ཡོད་པ།། རིམ་པས་གཞུང་བཞིན་བསགས་པར་འབྱུང་།། སོ་སོར་འཆོལ་བའི་རྫས་རྣམས་དང་།། མ་ངེས་རྙེད་ཙམ་རྫས་རྣམས་ནི།། ཀུན་ཏུ་བཟང་པོ་ངས་མ་བཤད།། དབང
140b5 གི་དཀྱིལ་འཁོར་ཇི་ལྟར་བྲི་བའི་དོན་གསུངས་པ།། དཀྱིལ་འཁོར་ཐམས་ཅད་བརྩིག་པའི་ལུགས།། དང་པོ་ས་གཞི་སྦྱར་བྱས་ནས།། དེ་དག་རྟོག་པའི་གེགས་བསལ་ཏེ།། མཎྜལ་ཆག་ཆག་ཀུན་བྱས་ནས།། ས་ལ
140b6 ཚིག་འདི་བརྗོད་པར་བྱའོ།། ཧཱུཾ་མ་ཆགས་སྐྱེ་བ་མེད་པ་ཡི།། ཆགས་མེད་ཡུམ་གྱི་གཞལ་ཡས་ན།། ཐབས་ཀྱི་འཕྲོ་འདུ་ཡེ་ནས་རོལ།། ཐབས་དང་ཤེས་རབ་འབྲེལ་བ་ཡི།། གཉིས་མེད་སྦྱོར་བའི་མཁའ་དབྱིངས
iiif viewer powered by OpenSeadragon
