| e-texts navigator |
| Wylie |
140a1 དགོས།། ཡང་ཞིག་རྫས་སུ་མ་འབྱོར་ན།། ཐ་ན་གཟུགས་བརྙན་བྲི་བར་བྱའོ།། དབང་བསྐུར་བ་ཡི་བྷན་དྷ་ནི།། དྲག་ཤུལ་ལས་ལ་དགའ་བ་ལ།། ཁྱབ་འཇུག་མ་ཡི་སྣོད་ཀྱིས་བསྐུར།། དུམ་བུ་གཅིག
140a2 པ་ལ་སོགས་པ།། རིགས་དང་མཐུན་པའི་བྷན་དྷ་ཡི།། ཇི་ལྟར་བསྐུར་འདོད་རྟགས་སུ་དཔག། ཐལ་ཆེན་མཚན་མ་ལ་སོགས་ཏེ།། ཁྲོ་བོས་མཚན་མའི་དུར་ཁྲོད་རྫས།། དེ་དག་དངོས་སུ་ཚོགས་པར་བསགས།། རྒྱལ
140a3 སྲིད་ལོངས་སྤྱོད་རྫས་རྣམས་ནི།། རིགས་ཀྱི་ཁྱད་པར་རྣམས་ལ་སྦྱར།། ཅི་ལྟར་མཐུན་པའི་རྫས་རྣམས་བསགས།། འཁོར་ལོས་སྒྱུར་བའི་རྒྱལ་པོ་ཡིས།། རྫས་སུ་རིན་ཆེན་སྣ་བདུན་བསགས།། སློབ་མ་ས་བདག
140a4 རྒྱལ་པོ་ནི།། རྟ་དང་གླང་པོ་རོལ་མོའི་སྒྲ།། དབུ་རྒྱན་དཔུང་རྒྱན་གདུགས་ལ་སོགས།། རྒྱལ་པོའི་རིས་སུ་གང་ཡོད་པ།། དེ་དག་རྫས་སུ་བསག་པར་བྱ།། སློབ་མ་བྲམ་ཟེ་རྗེ་དང་དམངས།། ཁྲུས་མཁན་གར་མཁན
140a5 རྔོན་པ་ལ།། ཅི་ལྟར་ཚོགས་པའི་རྫས་བསགས་ལ།། བླ་མ་དག་གི་རྐྱེན་དུ་བཞག། སྒྲུབ་པ་གཟུངས་མའི་རྫས་རྣམས་ནི།། གསུམ་དང་ལྔ་དང་གང་བསྐྱེད་པ།། མཚན་ནི་གོང་དུ་བསྟན་པ་བཞིན།། རྐྱེན་དང་རིས་སུ
140a6 ཚང་བར་བྱ།། དངོས་གྲུབ་བསྒྲུབ་པའི་རྫས་རྣམས་ནི།། དམ་རྫས་བདུད་རྩི་རྣམ་ལྔ་དང་།། རྩ་བ་བརྒྱད་དང་ཡན་ལག་སྟོང་།། ལུང་ལས་བྱུང་བ་བཞིན་དུ་བསགས།། གཞན་ཡང་མདའ་དང་དར་སྣ་དང་།། མེ་ལོང
iiif viewer powered by OpenSeadragon
