| e-texts navigator |
| Wylie |
13b1 གདན་ལ་ཡང་དག་གནས།། ཁ་དོག་དཀར་པོ་འོད་འབར་བའོ།། རིན་ཆེན་སེམས་དཔའ་གཡས་སུ་ཏེ།། རིན་ཆེན་དབྱིངས་ཕྱུག་མ་དང་བཅས།། རྫུ་འཕྲུལ་རྟ་ཡི་ཁྲི་ལ་བཞུགས།། ཛམྦུ་ནཱ་དའི་གསེར་འོད་འདྲ།། རྒྱབ
13b2 ཏུ་ཆོས་ཀྱི་སེམས་དཔའ་སྟེ།། ཆོས་ཀྱི་སེམས་མར་བཅས་པ་ཡང་།། ཁྱུད་ཆེན་དག་ལ་རྣམ་པར་བཞུགས།། དམར་པོ་པདྨ་རཱ་གའི་མདོག། ལས་ཀྱི་སེམས་དཔའ་གཡོན་དུ་སྟེ།། ལས་ཀྱི་དབྱིངས་ཕྱུག་མ་དང
13b3 འཁྲིལ།། ནམ་མཁའ་ལྡིང་གི་ཁྲི་ཆེན་ལ།། ཨིནྡྲ་ནཱི་ལའི་ཁ་དོག་འདྲའོ།། ཕྱི་ནང་སེམས་དཔའ་སེམས་མ་རྣམས།། ཕྱི་ནང་གྲ་ལ་དེ་བཞིན་བྲི།། སྒོར་ནི་སྒོ་བ་མ་དང་བཅས།། བར་ཁྱམས་དག་ལ་སྦྲུལ་སྐུ་དང་།། ཀུན
13b4 བཟང་ཡབ་ཡུམ་དེ་བཞིན་ཏེ།། སངས་རྒྱས་རྡོ་རྗེ་འཛིན་པ་ཡི།། དཀྱིལ་འཁོར་ཉམས་དགའ་དམ་པའོ།། སངས་རྒྱས་འཁོར་ལོ་ཅན་གྱི་གནས།། འཁོར་ལོ་རྩིབས་བཞི་མུ་ཁྱུད་བཅས།། གྲུ་ཆད་པར་ཁྱམས་དེ་བཞིན
13b5 ཏེ།། དབུས་སུ་སངས་རྒྱས་རྣམ་སྣང་མཛད།། ནམ་མཁའི་དབྱིངས་དང་ཐབས་གཅིག་ཏུ།། ཆ་ལུགས་འཛིན་པར་དེ་བཞིན་བྲི།། སྤྱན་སྔར་མི་བསྐྱོད་ཡུམ་དང་བཅས།། གཞན་རྣམས་ཀྱང་ནི་དེ་བཞིན་དུ།། རྡོ་རྗེ་འཛིན
13b6 པ་འདྲ་བར་ནི།། རིན་ཆེན་དཀྱིལ་འཁོར་དམ་པ་ཡིན།། རིན་ཆེན་ཟུར་བརྒྱད་ལྡན་པ་ལ།། བར་ཁྱམས་སྒོ་ཁྱུད་དེ་བཞིན་ནོ།། དབུས་སུ་རིན་ཆེན་ཡབ་ཡུམ་སྟེ།། རྡོ་རྗེ་འཛིན་པ་ལྷོ་ཕྱོགས་སུ།། པདྨ་འདབ་མ་བརྒྱད་པ
iiif viewer powered by OpenSeadragon
