| e-texts navigator |
| Wylie |
139b1 ཕན་འཆི་བའི་རྒྱུ།། དབང་གི་རྫས་ཅི་དགོས་པའི་དོན་ཡང་གསུངས་པ།། དབང་བསྐུར་བ་ཡི་རྫས་རྣམས་ནི།། རྫས་ལ་གྲངས་ནི་བསམ་ཡས་ཀྱང་།། ངེས་པའི་རྫས་ནི་ལྔ་རུ་གསུངས།། ཁྲོ་བོ་དུར་ཁྲོད་རྒྱན་གྱི
139b2 རྫས།། རྒྱལ་སྲིད་དབང་གི་ལོངས་སྤྱོད་རྫས།། བསྒྲུབ་པ་རྫས་ཀྱི་གཟུངས་མའི་རྫས།། དངོས་གྲུབ་བསྒྲུབ་པའི་གོ་རིམ་རྫས།། རྫོགས་སངས་རྒྱས་ཀྱི་རྐྱེན་གྱི་རྫས།། རྫས་ཀྱི་རྣམ་པ་ལྔ་གསུངས་དེ།། ཁྲོ་བོ་དུར་ཁྲོད
139b3 རྒྱན་རྫས་ནི།། རལ་གྲི་དགྲ་སྟ་གཤོལ་ལ་སོགས།། མདའ་གཞུ་གྲི་དང་མཚོན་ཆ་ནི།། དེ་དག་རྫས་སུ་ཡོད་ན་ལེགས།། གཞན་ཡང་ཆེ་མཆོག་ཕྱག་མཚན་ནི།། རྡོ་རྗེ་དྲིལ་བུ་འཁོར་ལོ་དང་།། པདྨ་རིན་ཆེན་རལ་གྲི
139b4 དང་།། རྒྱ་གྲམ་སྤུ་གྲི་ལ་སོགས་པ།། རིགས་ལྔའི་ཁྲོ་བོའི་ཕྱག་མཚན་ནི།། དངོས་སུ་རྫས་སུ་ཡོད་ན་ལེགས།། དེ་དག་གཟུགས་སུ་མ་གྲུབ་ན།། རི་མོ་མཁན་དང་བྲིས་མཁན་གྱིས།། དེ་དག་གཟུགས་བརྙན་བྲིས་ལ
139b5 བསྐུར།། ཆེ་མཆོག་ཁྲོ་བོ་ལ་སོགས་པ།། ཧེ་རུ་དགུ་པོ་ཐམས་ཅད་དང་།། དཀྱིལ་འཁོར་ལྷ་ཡི་ཕྱག་མཚན་རྣམས།། དངོས་སུ་རྫས་སུ་ཡོད་ན་ལེགས།། མེད་ན་དེ་བཞིན་བྲིས་ལ་བསྐུར།། གླང་པོ་ཆེ་ཡི་ཀོ་རློན
139b6 དང་།། ཞིང་ཆེན་གཡང་གཞི་འཁོར་བ་དང་།། ཁྱུང་གི་གཤོག་པ་མེ་དཔུང་དང་།། སྟག་གི་ཤམ་ཐབས་སུག་སྡོམ་དང་།། ཐོད་པ་སྐམ་རློན་ཕྲེང་བ་དང་།། སྦྲུལ་ནག་ཆུན་པོ་ལ་སོགས་པ།། དེ་དག་མིང་གི་རྗེས་སུ
iiif viewer powered by OpenSeadragon
