| e-texts navigator |
| Wylie |
139a1 ཤིང་།། སྲིན་མོའི་མདུང་ཤུལ་མེད་པ་ཡི།། བུ་མོ་གཞོན་ནུ་ཤེས་པར་བཤད།། དེ་ལ་དབང་རྟགས་དམ་པ་ཡོད།། སྣ་དགུ་དག་གི་བྱ་བ་ནི།། ཀུན་ཏུ་བཟང་པོ་ངས་མ་བསྟན།། མཉམ་པ་དེ་བཱི་གཞུང
139a2 ལས་མེད།། ཀརྨའི་མཚན་ཉིད་ཚུལ་བསྟན་པ།། ལས་དང་བྱ་བ་གཞུང་བསྲང་ཤིང་།། ཕྲིན་ལས་ཐོགས་པ་ཡོངས་མེད་པ།། ངེས་པར་བླ་མའི་ལུང་ཐོབ་པ།། སྔོན་ཆད་དབང་བསྐུར་གནས་པ་ཐོབ།། མི་འགལ་ལེགས
139a3 པར་སྤྱོད་པའི་ལུང་།། གསང་བའི་དཀྱིལ་འཁོར་དམ་སྲུང་བ།། དབང་གི་ཀརྨ་ཡིན་ཞེས་བྱ།། གཞན་ཡང་དབང་གི་ཀརྨ་ནི།། ཐམས་ཅད་ཀུན་ལ་བློ་གྲོས་ཞིང་།། ལྷག་པར་ཕྲིན་ལས་དོན་ལ་མཁས།། དེ་ནི་དབང་གི
139a4 ཀརྨ་ཡིན།། མཉེན་ཞིང་དེས་ལ་བཀའ་བློ་བདེ།། གཞན་གྱི་ཡིད་འོང་མཐུན་བཞིན་བྱེད།། ངེས་པའི་ཚིག་སྒྲ་རྫུན་སྤངས་ཤིང་།། རྟགས་ལས་ངེས་པའི་ལུང་ཐོབ་ཅིང་།། བཀའ་ཡི་དོན་ལ་ངེས་པར་རྟོགས།། སྔགས
139a5 ཕྱག་རྒྱ་དམ་དུ་འཛིན།། རྣམ་པར་རྟོགས་པ་བྲལ་བ་དེས།། དབང་གི་ཀརྨ་བྱ་བར་བཤད།། ཡོན་ཏན་དེ་དག་མ་ལྡན་ན།། གཞན་མ་ཡོན་ཏན་ཀུན་ཚང་ཡང་།། དབང་གི་ཀརྨ་ཡོངས་མི་བྱ།། བདེན་པའི་ཆོས
139a6 མེད་སྙན་ཚིག་དང་།། བཀའ་མེད་ལུང་མེད་བདེ་བ་མེད།། རས་ཆོད་གཟུ་ལུམས་བྱེད་འདོད་པས།། དབང་གི་ཀརྨ་བྱ་བ་ནི།། ཀུན་ཏུ་བཟང་པོ་ངས་མ་བཤད།། ཉམས་པར་གྱུར་པའི་མཚན་མས་ནི།། བསྐུར་ཀྱང་མི
iiif viewer powered by OpenSeadragon
