| e-texts navigator |
| Wylie |
138b1 དང་མཐུན་པའི་དབང་ཐོབ་སྟེ།། རྡོ་རྗེ་རྒྱལ་ཐེབས་ཡིན་ཞེས་གྲགས།། དེ་ནི་དབང་གི་རྒྱལ་ཐེབས་སུ།། ངེས་པར་བཙལ་བ་གཞུང་ལས་འབྱུང་།། གལ་ཏེ་དེ་དག་མ་རྙེད་ན།། བདག་གི་བླ་མས་ཅི་མཁྱེན་པ།། དེ་ཡིས
138b2 མཁྱེན་པ་དག་ཡོད་ན།། དེ་ཡང་དབང་གི་རྒྱལ་ཐེབས་བྱ།། གཞན་ཡང་དབང་གི་རྒྱལ་ཐེབས་ནི།། བླ་མ་དེ་ལ་སྲས་ཡོད་པ།། ཡོན་ཏན་བླ་མ་དང་འདྲ་བ།། དེ་དག་ཡོད་ན་རབ་ཏུ་ལེགས།། གཞན་ཡང་བླ་མ་སློབ
138b3 དཔོན་གྱིས།། རྒྱལ་ཐེབས་ཞལ་ཆབ་གང་སྩལ་བ།། དེ་ལ་དབང་གི་རྒྱལ་ཐེབས་བྱ། ཚུལ་ནི་དེ་དང་མི་ལྡན་ཞིང་།། ཡོན་ཏན་དེ་རྣམས་ཡོངས་མེད་ན།། གཞན་གྱི་ཡོན་ཏན་ཀུན་ཚང་ཡང་།། དབང་གི་རྒྱལ་ཐེབས་མི
138b4 བྱ་ཞེས།། ངེས་པར་ང་ཡིས་ཡང་དག་བཤད།། བདག་དང་བླ་མའི་གཟུངས་མ་རྣམས།། ཚུལ་དང་ཡོན་ཏན་དེ་རྣམས་དང་།། ལྡན་པར་གྱུར་ན་སུ་ཡང་རུང་།། རྒྱལ་རིགས་རྗེའུ་རིགས་དམངས་རིགས་དང་།། རིགས
138b5 ངན་གདོལ་པའི་ཕྱག་རྒྱ་མོ།། ཡོན་ཏན་དེ་ལྡན་གང་ཡང་རུང་།། ཚུལ་དགུར་སྦྱོར་ན་དབང་ཐོབ་ཅིང་།། དངོས་གྲུབ་རྟགས་ཀྱིས་དམ་པ་འགྲུབ།། གཞུང་གི་རྟགས་དང་མཚན་མེད་ན།། རྒྱལ་རིགས་རྗེའུ་རིགས
138b6 གང་ཡང་རུང་།། གཞན་མའི་ཡོན་ཏན་ཀུན་ཚང་ཡང་།། དབང་གི་གཟུངས་མར་མི་བྱ་ཞེས།། ངེས་པར་ང་ཡིས་ཡང་དག་བཤད།། གཞན་ཡང་རང་གི་ཡུམ་དང་གཟུངས།། མཆོག་ཏུ་གཞན་ལས་མ་བརླམས
iiif viewer powered by OpenSeadragon
