| e-texts navigator |
| Wylie |
137a1 ཡང་རུང་།། དེ་ལ་དབང་རྣམས་ནོད་པར་གསུངས།། དབང་རྣམས་ནོད་པར་མི་བྱ་བའི།། སློབ་དཔོན་མཚན་ཉིད་རྟོགས་པ་ནི།། ཁྲོ་གཏུམ་ཆེ་ལ་འཇིགས་འདོད་དང་།། རང་བཞིན་ངན་ལ་བཅོས་དཀའ
137a2 དང་།། མཚན་ཉིད་ངང་ཚུལ་མི་ཤིས་དང་།། ཕྲག་དོག་ལ་སོགས་སེམས་ལ་འཆང་།། སེམས་ནི་ཆོས་ཀྱིས་མ་དུལ་པ།། ཆོས་རེ་ཐོས་ཤིང་ཁོ་བོར་སྐྱེ།། སྤྲོ་ཐུང་ཚིག་གི་གོ་མི་འཇིགས།། དེ་འདྲའི་སློབ་དཔོན་མཚན
137a3 ཉིད་ལ།། དབང་རྣམས་ནོད་པར་མི་བྱ་སྟེ།། མནོས་ཀྱང་དབང་ཐོབ་མི་འགྱུར་ཏེ།། སླར་ལ་ཉམས་པ་ཆེན་པོར་འགྱུར།། གཞན་ཡང་སློབ་དཔོན་མཚན་ཉིད་ནི།། ཤེས་པ་སྒོ་དོགས་ཟོས་པ་ཆུང་།། ང་རྒྱལ་ཁ་འདོར
137a4 ཁེངས་པ་དང་།། རབ་ཏུ་ཚུལ་ངན་ཁེངས་པས་བཅིངས།། སྒོམ་བསྒྲུབ་ཛ་གད་དབང་དུ་བཏང་།། དེ་འདྲ་དབང་གི་སློབ་དཔོན་མིན།། དེ་ལ་དབང་གི་རྒྱུ་མནོས་ཀྱང་།། རྣལ་འབྱོར་ཡོ་ཡིས་དཔྱས་ཀ་ལ།། སློབ་དཔོན
137a5 ངན་པ་ཁད་ཀྱིས་སྤང་།། སློབ་མ་ངན་པ་དྲག་པོས་སྤང་།། འདི་དག་སྤང་བར་ངེས་པར་གསུངས།། འདི་དག་མ་སྤངས་སྐྱོན་རྣམས་ནི།། ལྟ་སྤྱོད་མཐུན་པར་མ་གྱུར་པས།། གང་དུའང་ཉམས་པར་འགྱུར་བར
137a6 ངེས།། དྲན་པ་བཀའ་རྟགས་གཞུང་འཛིན་པ།། དེ་ལ་ཕྱི་དབང་བསྐུར་བར་བྱ།། སྐྱེ་མེད་ཆོས་ལ་བློ་ཞུགས་པ།། དེ་ལ་ནང་དབང་བསྐུར་བར་བྱ།། བྱང་ཆུབ་སེམས་ལ་མངོན་དད་ཅིང་།། དམ་རྫས་རྣམས་ལ་རྟོག་པ
iiif viewer powered by OpenSeadragon
