| e-texts navigator |
| Wylie |
136b1 བསྐུར་ཐོབ་པ་དང་།། རིགས་ཀྱི་བཙུན་རྒྱུད་མཁས་རྒྱུད་དང་།། རྡོ་རྗེ་ཟམ་པ་མ་ཆད་ལེགས།། དེ་དག་རྣམས་དང་མ་ལྡན་ཀྱང་།། རྒྱུད་འདི་འཆད་པ་གང་བྱེད་པ།། རིགས་དང་སྡེ་ཆེན་གང་ཡིན་ཡང་།། དེ་ནི་དབང
136b2 ནོད་སློབ་དཔོན་ཡིན།། གཞན་ཡང་དབང་ནོད་སློབ་དཔོན་ནི།། ཤེས་རབ་ཡངས་པས་ཆོས་རྣམས་སྟོན།། ལྟ་བ་ཡངས་པས་ཕྱོགས་དང་བྲལ།། སྤྱོད་པ་མ་འགགས་ཐབས་སུ་སྤྱོད།། སྒོམ་པ་སྲན་ཆེ་འགྱུར་བ
136b3 མེད།། དམ་ཚིག་གང་ཡང་མ་ཉམས་པ།། དེ་ནི་དབང་ནོད་སློབ་དཔོན་ཡིན།། གཞན་ཡང་དབང་ནོད་སློབ་དཔོན་ནི།། ཕྱི་ནང་ཏནྟ་ཀུན་གསལ་ཞིང་།། བྱིན་ཆེ་སྔ་མར་དབང་ཐོབ་དང་།། དཀྱིལ་འཁོར་སྒྲུབ་པ་ཞལ་ཕྱེ
136b4 ཞིང་།། ལས་དང་ཆོ་ག་གཞུང་རྫོགས་ལ།། བསྔགས་པས་དབང་རྣམས་ནོད་པར་བྱ།། གཞན་ཡང་སློབ་དཔོན་མཚན་ཉིད་ནི།། བདེ་བར་གནས་ཤིང་གཙམ་མི་བྱེད།། ཅི་སྐད་གསུངས་པ་དེ་བཞིན་མཛད།། རྫུན་དང
136b5 ཟོལ་གྱི་ཚིག་སྤངས་པ།། བྱིན་རླབས་ཡ་མཚན་ཆེན་པོ་ཅན།། དེ་ལ་དབང་རྣམས་ནོད་པར་བྱ།། གཞན་ཡང་སློབ་དཔོན་མཚན་ཉིད་ནི།། ལུང་དང་མན་ངག་ཐུགས་ལ་འཆང་།། རྒྱུད་དང་བསྒྲུབ་པ་རིམ་པས
136b6 འཐོབ།། ཞང་བློན་བུ་ཚར་གྱུར་པ་ན།། སྔོན་ནས་ཐབས་དང་ཡིད་ཚང་ཐོབ།། ཕལ་པ་གང་དག་སུ་ཡིན་ཡང་།། མཚན་རྫོགས་ཀུན་ལ་ལུང་རྫོགས་ཤིང་།། རིག་པ་ཚད་མའི་གཞུང་ཡོད་ན།། རིགས་ནི་གང་ཞིག་ཡིན།
iiif viewer powered by OpenSeadragon
