| e-texts navigator |
| Wylie |
134b1 ལ་མཚན་ཉིད་ཡོངས་མེད་པས།། དབང་མཆོག་སེམས་ལ་ཡོད་པ་ནི།། དུས་གསུམ་རྒྱལ་བའི་ལུང་ལས་བྱུང་།། དབང་མཆོག་རང་ལ་མེད་པ་ནི།། བསྐུར་བས་ཐོབ་པར་ཡོངས་མི་འགྱུར།། པྲ་སྲན་འབྲས་བུའི་དབང
134b2 བསྐུར་ཡང་།། དེ་ལ་འབྲས་ཀྱི་མངོན་སྣང་མེད།། མ་རྟོགས་མ་བཤད་སྒམ་པོ་ལ།། ཕྱི་ནང་དབང་རྣམས་གང་བསྐུར་ཀྱང་།། དེ་ལ་དབང་རྟགས་དངོས་གྲུབ་མེད།། སླར་ལ་དྲེགས་པ་སྐྱེ་བར་ངེས།། དེ་བས་དབང
134b3 རྣམས་ཐོབ་འདོད་པས།། དང་མ་ཆོས་འདི་བཤད་པར་བྱའོ།། དེ་ལ་དབང་བསྐུར་ཞིང་ཐོབ་འདོད་པས། རང་ལ་དབང་བསྐུར་བའི་སློབ་མའི་མཚན་ཉིད་ཇི་ལྟ་བུ་ལ་དབང་བསྐུར་བ་དང་། དབང་གི་སློབ་དཔོན་ཇི་ལྟ
134b4 བུ་ལ་དབང་ནོད་པ་དང་། དབང་གི་ཡུལ་གང་གིས་བྱ་བ་དང་། དབང་གི་རྒྱལ་ཐེབས་དང་ཀརྨ་ཚུལ་ཇི་ལྟ་བུ་ལ་བྱ་བ་དང་། དབང་གི་རྫས་ཅི་དགོས་པ་དང་། དབང་གི་དཀྱིལ་འཁོར་ཅི་ལྟར་བྲི་བ་དང་། དབང་གི
134b5 ཡོན་ཅི་ལྟར་དབུལ་བ་དང་། དབང་གི་བསྙེན་བསྒྲུབ་ཞག་གྲངས་དུར་གསུངས་པ་དང་། དབང་གི་རྟགས་ཅི་སྦྱིན་པ་དང་། དབང་བསྐུར་བའི་དུས་ཚོད་གང་ལ་བསྐུར་བ་དང་། དབང་བསྐུར་བའི་དགོས་པ་དང་བཅུ
134b6 གཅིག་གིས་བསྟན་དགོས་ཏེ། དེ་ལ་དབང་བསྐུར་བའི་སློབ་མའི་མཚན་ཉིད་ཇི་ལྟ་བུ་ལ་དབང་བསྐུར་བར་བྱ་བ་ནི། དང་པོར་སློབ་དཔོན་གྱིས་བཙལ་བར་བྱ་སྟེ། གསུངས་པའི་ཐིག་ལས། རང་བཞིན་བཟང་བས
iiif viewer powered by OpenSeadragon
