| e-texts navigator |
| Wylie |
134a1 འདས་པས། འཕགས་པའི་འཕགས་པ། སངས་རྒྱས་ཀྱི་སངས་རྒྱས་ཞེས་བྱ་སྟེ། འཇིག་ཚོགས་ལྟ་བུ་ལུང་གི་རྒྱལ་པོ་ཞེས་བྱ་སྟེ། ཀུན་ཏུ་བཟང་པོས་བཤད་ཅིང་འདའ་བར་དཀའ་བའོ།། དེ་བཞིན
134a2 གཤེགས་པ་སྤྱི་དབང་བསྐུར་བའི་རྒྱུད་ལས། གླེང་གཞི་ལྟ་བའི་ལེའུ་སྟེ་དང་པོའོ།། །། དེ་ནས་རྡོ་རྗེ་སེམས་དཔའ་ལ་སོགས་པ་རིགས་ལྔའི་སངས་རྒྱས་རྣམས་ཀྱིས། ཤིན་ཏུ་ངོ་མཚར་དུ་གྱུར་ནས། སྟོན་པ་ཀུན་ཏུ
134a3 བཟང་པོ་ལ་འདི་སྐད་ཅེས་གསོལ་ཏོ།། ཨེ་མ་ཧོ་ངོ་མཚར་ཆེའོ།། ཨེ་མ་ཧོ་མཚར་ཆེའོ།། ཨེ་མ་ཧོ་ངོ་མཚར་ཤིན་ཏུ་ཆེའོ།། དབང་བསྐུར་བ་མི་དགོས་པ་དེ་ངོ་མཚར་རོ།། དཀྱིལ་འཁོར་བསྐྱེད་མི་དགོས་པ་དེ་ངོ་མཚར
134a4 རོ།། དོན་གཅིག་ལ་གཅིག་ཏུ་ཇི་སྐད་ཀྱང་བསྟན་པ་ངོ་མཚར་རོ།། ཆེ་བའི་ལྷ་བདག་ཅག་ལ་ལུང་བསྟན་དུ་གསོལ། ཨ་ལ་ལ་ཧོ་ཞེས་གསོལ་པ་དང་། ཀུན་ཏུ་བཟང་པོས་བཀའ་སྩལ་པ། རིགས་ལྔ་དེ་དག་རྟོག་པ
134a5 གཞོམ་པའི་ཕྱིར། དགྱེས་པའི་གླུ་འདི་དག་བླངས་སོ།། ཨ་ཧོ་རུ་ཏྲ་ཤུ་པ་ར་ཧང་། མང་ཉ་ཏི་པ་ཤི་སུ་བ་ཤོ་ཏ་ཀ་ལ་ཏི། མ་མ་པྲཛྙཱ་དུམ་པ་ཀ་ལ་ཏི་ད་ལིས། མང་ཉག་བ་ཧ་ཡ་ཀུ་བ་རི་ཧོ། སང་ཤི་དུར་མང་མ་ཧོ་བ་ར
134a6 ལ་སྟི། ཀྲི་ཏི་ཀྲུན་མང་ཤ་ར་ཏ་ཧོ།། ཞེས་གླུ་བླངས། འཁོར་རྣམས་དགའ་བ་སྐྱེས་ནས། ཡང་འདི་སྐད་ཅེས་བཀའ་སྩལ་ཏོ།། སེམས་ལས་མ་གཏོགས་ཆོས་མེད་པས། གཞན་དུ་ཆོས་རྣམས་བསྟན་པ་མེད།། སེམས
iiif viewer powered by OpenSeadragon
