| e-texts navigator |
| Wylie |
133b1 རེག། ཤེས་རབ་ཀྱི་རོ་མྱངས་པས་ཤེས་པས། འདུ་འབྲལ་མེད་པའི་རོ་མྱོང་བའི་དཀྱིལ་འཁོར་གྱི་དབང་ཐོབ། མ་མྱངས་ན་མ་མྱངས་སུ་ཟད་དེ། ཆོས་ཉིད་ལ་རྫས་སུ་མི་སྤྱད། སངས་རྒྱས་ལ་གཟུགས་སུ་མི
133b2 བསྟན། ཐིག་ལེ་རྫོགས་པ་མེད་པའི་དཀྱིལ་འཁོར་གྱི་དབང་ཐོབ། ལུས་ཀྱི་རེག་ན་རེག་ཏུ་ཟད་དེ་ཐབས་དང་ཤེས་རབ་གཉིས་སུ་མེད་པར་རྡོ་རྗེ་པདྨར་རེག་པས། ཡབ་ཡུམ་འདུ་འབྲལ་མེད་པའི་དཀྱིལ་འཁོར་གྱི
133b3 དབང་ཐོབ། མ་རེག་ན་མ་རེག་པར་ཟད་དེ། དངོས་པོ་མེད་ན་ཆོས་ཉིད། འཛིན་ཆགས་མེད་ན་ཡེ་ཤེས། ཡོད་མེད་འདས་ན་དབུ་མ་སྟེ། མ་བཅོས་གཞི་བཞག་གི་དཀྱིལ་འཁོར་གྱི་དབང་ཐོབ། ཡིད་ཀྱིས་ཆོས་རྟོགས
133b4 ན་རྟོགས་སུ་ཟད་དེ། སྤྲོས་པ་མེད་པའི་དཀྱིལ་འཁོར་གྱི་དབང་ཐོབ། མ་རྟོགས་ན་མ་རྟོགས་སུ་ཟད་དེ། ཡིད་ཆོས་ཉིད་ལ། ཡིད་ལས་མ་གཏོགས་པའི་ཆོས་གུད་ན་མེད་པས་གཉིས་སུ་མཐོང་བའི་རྡོ་རྗེའི
133b5 དཀྱིལ་འཁོར་གྱི་དབང་ཐོབ། དེ་ལྟར་དཀྱིལ་འཁོར་དྲུག་གིས་ཇི་ལྟར་བྱས་ཀྱང་དབང་ཐོབ་ལ། དཀྱིལ་འཁོར་བཅུ་གཉིས་ཀྱི་གང་དུ་བསྒྲུབས་ཀྱང་དངོས་གྲུབ་ཐོབ་སྟེ། ཐོས་པས་སངས་རྒྱས། ཉན་པས་དབང་ཐོབ།
133b6 རྟོགས་པས་དོན་ཡོད་པས། དབང་བསྐུར་རྒྱུད་ཅེས་བྱ་སྟེ་འདི་ལས་ཚིག་ཏུ་ཇི་སྐད་ཀྱང་བསྟན། བཏགས་སུ་ཇི་སྐད་ཀྱང་གྲགས། དོན་དུ་གང་དུ་ཡང་མི་དམིགས་ཤིང་བསྟན་དུ་མེད་དེ། ཚིག་དང་ཡི་གེར་བྲི་བ་ལས
iiif viewer powered by OpenSeadragon
