| e-texts navigator |
| Wylie |
133a1 པའི་ཀློང་ན་ཉལ། བསྐྱེད་པ་ཇི་བཞིན་པའི་དབྱིངས་ལ་མནལ་ཏེ། དབང་གི་རྒྱལ་པོ་བསྐུར་མི་དགོས་པར་རང་རྒྱུད་དུ་ཤར་ཏེ། ཕྱི་ནང་གི་ཆོས་ལ་སེམས་ཀྱི་དབང་མ་ཐོབ་པ་འགའ་ཙམ་ཡང་མེད་དེ།
133a2 ཡེ་འབྱམས་ཀྱི་དབང་ལ་ཕྱོགས་མེད་དེ། སྤྱི་འབྱམས་ཀྱི་དབང་ལ་རིས་མེད། དེ་ལྟ་བུའི་ཚིག་སུས་ཟོས་ཤིང་བློ་ལ་སྣང་བ། སངས་རྒྱས་ཀྱི་རྗེ་བཙན་ཡིན་པས། དབང་མི་དགོས་པའི་ཚུལ་ནི། དབང་ཐམས་ཅད་དེ་ལ
133a3 རྫོགས་ཏེ། ཐབས་ཀྱི་རྒྱལ་པོ་དབང་གི་མེས་ཞེས་བྱ་སྟེ། གང་ལྟར་བྱས་ཀྱང་དབང་གི་རྒྱལ་པོ་དཀྱིལ་འཁོར་ལས་མ་གཏོགས་པ་གཞན་གང་ཡང་མེད། མཐོང་ན་མཐོང་དུ་ཟད་དེ་དབང་པོའི་རིག་པ་རྒྱན་བཀྲ་བའི
133a4 རིག་པའི་དབང་ཐོབ། མ་མཐོང་ན་མ་མཐོང་དུ་ཟད་དེ། ཐབས་ཀྱི་རྒྱལ་པོ་ཟིན་ཆགས་དང་བྲལ་བའི་དཀྱིལ་འཁོར་གྱི་དབང་ཐོབ།། རྣ་བས་ཐོས་ན་ཐོས་སུ་ཟད་དེ། དབྱངས་སྙན་དགྱེས་པའི་གླུའི་དབང་ཐོབ།།
133a5 མ་ཐོས་ན་མ་ཐོས་སུ་ཟད་དེ། སྒྲ་སྐད་དང་བརྟགས་པ་དང་བྲལ་བ་ཡེ་ཤེས་ཀྱི་དབང་ཐོབ། སྣས་དྲི་ཚོར་ན་ཚོར་དུ་ཟད་དེ། དབང་པོ་ཚིམས་བྱེད་གཉིས་སུ་མེད་པའི་དཀྱིལ་འཁོར་གྱི་དབང་ཐོབ། མ་ཚོར་ན་མ་ཚོར་དུ
133a6 ཟད་དེ། བྱུང་ཚོར་གྱི་སྒོ་འགགས་པས། འཁོར་བ་ཐབས་ཀྱི་དབང་ཐོབ། ལྕེས་རོ་མྱངས་ན་མྱངས་སུ་ཟད་དེ། ཆོས་ཉིད་ཀྱི་རོ་མྱངས་པས་ནི་སྟོང་། ཡེ་ཤེས་ཀྱི་རོ་མྱངས་པས་ནི་རྟོགས། ཐབས་ཀྱི་རོ་མྱངས་པས་ནི
iiif viewer powered by OpenSeadragon
