| e-texts navigator |
| Wylie |
132b1 རྫོགས།། བྱ་བཙལ་མེད་པར་མཐར་ཕྱིན།། བསྐྱེད་རྫོགས་མེད་པར་སྐུ་རྫོགས་ཏེ།། ཡུན་ཅུང་ཟད་ཙམ་ཡང་མ་ལོན་པར་དགྱེས་པའི་རོལ་ཐབས་རྒྱས་པར་གྱུར་ཏོ།། དེ་ནས་གཉིས་སུ་མེད་པའི་ཁྱད་པར་ལས། མ
132b2 བསྐྱེད་པ་རང་བཞིན་རྫོགས་པའི་ཚུལ་གྱིས། རིགས་ལྔའི་སངས་རྒྱས་དང་བྱང་ཆུབ་སེམས་དཔའ་ལ་སོགས་པའི་སྐུ་ཐོབ་པར་གྱུར་ཏེ། ཆེ་ཆུང་མེད་པའི་རིམ་པ། རྣམ་གྲངས་མེད་པའི་གནས། བརྗོད་དུ་མེད་པའི
132b3 སྒྲས། རྟག་པ་ཆོས་ཉིད། ཆད་པ་ལ་སྐུ་མདོག། ཡོད་པ་ལ་མི་དམིགས་པ། མེད་པ་ལ་སྐུ་གསུང་ཐུགས། རང་རྒྱུད་དུ་ཤར་ཞིང་དཔག་པ་ལས་འདས་པར་བསྟན་ཏོ།། དེ་ནས་དེ་ལྟར་བསྟན་པའི་བྱིན་གྱིས་རླབས་ཀྱིས།།
132b4 སེམས་དྲན་པའི་ཤེས་པ་ཐམས་ཅད་ནི། ཀུན་ཏུ་བཟང་པོ་རང་གནས་ཀྱི་རྒྱལ་པོར་དབང་ཐོབ། དབང་པོ་ཡུལ་གྱི་ཤེས་པ་ཐམས་ཅད་ནི་ཀུན་ཏུ་བཟང་མོ་འདུས་མ་བྱས་པའི་ཆོས་ཀྱི་དབྱིངས་ཁྱབ་པ་ཆེན་པོ་སྤྱི་ལ
132b5 ཡོངས་སུ་མ་གྲུབ་པའི་མན་ངག་བརྡལ་བས། སྒོམ་པའི་དགོངས་པ་རང་རྒྱུད་དུ་ཤར། བསྐྱེད་མི་དགོས་པར་རང་ཆས་སུ་རྫོགས་ཏེ། ཤེས་རབ་ཕ་རོལ་ཕྱིན་པར་དབང་ཐོབ། དེའི་རྫས་མེད་པའི་ཡོན་ཏན་གྱིས།།
132b6 ཆགས་སྡང་ཐམས་ཅད་ཤེས་རབ་ཏུ་དབང་ཐོབ། དུག་ལྔ་སངས་རྒྱས་ལྔར་ལྷུན་གྱིས་གྲུབ་སྟེ། ཡེ་ཤེས་ལྔའི་ངོ་བོར་དབང་ཐོབ། དུག་གསུམ་སྐུ་གསུང་ཐུགས་སུ་ལྷུན་གྱིས་གྲུབ་པའི་དབང་ཐོབ། མ་སྐྱེས་མི་འགག
iiif viewer powered by OpenSeadragon
