| e-texts navigator |
| Wylie |
131a1 ལྟར་བསྟན་པ་བདེ་བ་ཆེ།། གང་ལྟར་སྤྱད་པས་ཀུན་ཏུ་བཟང་།། ངེས་པའི་དོན་དུ་ཉིད་གནས་པས།། དོན་འདིར་མ་རྫོགས་མེད་པའོ།། ཀུན་ཏུ་བཟང་པོ་རྣམ་པ་ལྔ་དང་ཆེ་བ་རང་གནས་ཆེན་པོའི་རྒྱུད
131a2 རྫོགས་སོ།། །། @#།། བོད་སྐད་དུ། དབང་གི་རྒྱལ་པོ་དབང་སྐུར་རྒྱལ་པོའི་རྒྱུད། སྟོན་པ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བསྐུར་ནས་ཤེས་པའི་དུས་གཅིག་ན། བཅོམ་ལྡན
131a3 འདས་ཡིད་ཀུན་ཏུ་བཟང་པོ་ཆགས་པའི་དབང་དཀྱིལ་འཁོར་རིན་པོ་ཆེ་གནས་པའི་ངང་གནས་ན། ཉིད་ཀྱི་ཆེ་བའི་རྒྱན་ཆེན་པོ་ལས། འོད་ཟེར་ཕྲེང་བའི་སྒྲ་འདི་དག་ཕྱུང་ངོ་།། སྥ་ར་ཎ་ཕཊ། ཅེས་བྱ་བ་བརྗོད་པས།
131a4 ཕྱོགས་བཅུའི་འཇིག་རྟེན་གྱི་ཁམས་མུ་མཐའ་མེད་པའི་དབྱིངས་ནས། ཆོས་ཉིད་མ་སྐྱེས་པའི་ཀློང་ཕྱོགས་བཅུར་བརྡལ་ཏེ། མ་སྐྱེས་པ་དང་མ་འགགས་པ་དང་། རང་བཞིན་མེད་པ་འདུས་མ་བྱས་པར་བྱིན་གྱིས
131a5 བརླབས་ཏེ། སངས་རྒྱས་ཀྱི་སྐུ་དངོས་པོར་མི་སྣང་བའི་བྱིན་རླབས་མང་པོས་དོན་གྱི་བྱ་བ་རེ་རེ་བྱས་ཏེ། བསྐུལ་བའི་ས་ལ་གཞེས་པའི་སངས་རྒྱས་རྣམས་ཀྱིས་འགྲོ་བའི་དོན་དུ་ཆོས་ཀྱི་འཁོར་ལོ་བསྐོར་བར་དབང
131a6 བསྐུར། སྐྱེ་བས་ཐོགས་པའི་གང་ཟག་དང་། བྱང་ཆུབ་སེམས་དཔའ་ཐམས་ཅད་ནི། ཆོས་ཀྱི་རྒྱལ་མཚན་དུ་དབང་བསྐུར།། བདེ་བ་ཆེན་པོའི་ལོངས་སྤྱོད་ལ་མངའ་རབ་ཏུ་མཛད་ནས་ཡོངས་སུ་ཁྱབ་པ་ཆེན་པོའི་ཡེ
iiif viewer powered by OpenSeadragon
