| e-texts navigator |
| Wylie |
130a1 མེད།། རང་བཞིན་གཅིག་ཏུ་མ་ངེས་པས།། སྐུ་གསུང་ཐུགས་ཀྱང་སོ་སོར་སྣང་།། ཤེས་པ་གཅིག་ཏུ་མ་གྱུར་པས།། བྱང་ཆུབ་སེམས་ཀྱང་སོ་སོར་གོ། དེ་བཞིན་ཉིད་ལས་གཞན་མེད་ན།། མི་མཐུན་རྣམ
130a2 པ་ཅིར་བསྟན་ཀྱང་།། ཡེ་ཤེས་ཉིད་ལས་ཉམས་པ་མེད།། ཚིག་དང་ཡི་གེར་བརྗོད་ལས་འདས།། སྟོང་གི་འཇིག་རྟེན་ནམ་མཁའི་ཁམས།། ཇི་སྙེད་ཐུག་པ་མེད་པ་ཡང་།། ཏིལ་འབྲུ་རྟ་རྔ་བཅུར་བཤགས་ནས།། མ
130a3 སྐྱེས་ཀློང་དུ་ཆེ་ཆུང་མེད།། ཀུན་གཞི་མ་བྱུང་མ་སྐྱེས་མེད།། ཡེ་ནས་རྣམ་པར་དག་པ་ལ།། སངས་རྒྱས་ཆེ་བས་མ་བཅོས་ལ།། སེམས་ཅན་ཆེ་བས་བཅོས་སུ་མེད།། ཆོས་རྣམས་སེམས་སུ་སངས་རྒྱས་པས།། ཇི་ལྟར
130a4 འདོད་པས་རང་དབང་བསྒྱུར།། མྱ་ངན་འདས་དང་འཁོར་བའི་ཆོས།། ཆེ་ཆུང་མེད་པར་རང་གནས་པའོ།། །། སྐྱེ་ཤི་དང་འཕོ་འགྱུར་ཐམས་ཅད་མི་འགྱུར་བ་ནི། སེམས་དང་ཆོས་དང་ནམ་མཁའ་གསུམ།། དང་པོ
130a5 སྐྱེ་བའི་རྒྱུ་མེད་པས།། ཐ་མར་འཕོ་ཞིང་འཆི་མི་འགྱུར།། དེ་བཞིན་ཐོག་མ་ཐ་མ་མེད།། འདས་དང་མ་འོངས་ད་ལྟར་དང་།། ཐ་ཚིག་བརྟགས་པ་ག་ལ་འབྱུང་།། དུས་གསུམ་དུས་ནི་མེད་པའི་ཕྱིར།། སྔོན་མེད་ཕྱིས
130a6 མེད་གདོད་ནས་དག། སྐད་ཅིག་ཡུན་དང་བསྐལ་པའི་གྲངས།། རིང་ཐུང་བྱེ་བྲག་གྲངས་བསྟན་པ།། མ་རྟོགས་རྨོངས་པར་འགྱུར་སྣང་ཡང་།། ཆོས་ཉིད་དོན་ལ་རིང་ཐུང་མེད།། དེ་བཞིན་ཚད་ལ་སོགས་པ
iiif viewer powered by OpenSeadragon
