| e-texts navigator |
| Wylie |
12b1 པའམ།། མདངས་དཀར་ཤར་དུ་གཞོལ་བ་ནི།། སངས་རྒྱས་འཁོར་ལོ་ཅན་གྱིའོ།། རིན་ཆེན་སྣ་ལྔའི་ཁ་དོག་གམ།། རིན་ཆེན་ཟུར་བརྒྱད་དབྱིབས་འདྲ་བ།། རིན་ཆེན་དག་ལ་རུང་བར་བཤད།། ཙནྡན་ནགས་ཚལ་མེ
12b2 ཏོག་ཅན།། ཆུ་གླིང་ཉམས་དགའ་ཡིད་འོང་བར།། པདྨ་སྒྲུབ་པར་དེ་ཤིས་སོ།། དུར་ཁྲོད་ངམ་གྲོག་བཤུལ་བའི་གནས།། སུམ་མདོ་གྲོག་གླེ་རྩུབ་པའི་རི།། སྣ་ཚོགས་རྡོ་རྗེ་ཅན་གྱིའོ།། རི་བྲན་མང་པོ་འདུས
12b3 པའི་སྤྱི།། རི་བོས་བསྐོར་བའི་ལྕུག་ཕྲན་ཚལ།། དེ་ནི་ལས་ཀྱི་སྤྱི་རུ་བཤད།། ཡང་ན་རིགས་ལྔ་ཀུན་གྱི་ནི།། ཡོན་ཏན་ཆ་དང་ལྡན་པར་བཤད།། བླ་མ་སློབ་མ་གནས་རྣམས་ཀྱང་།། མ་བརྟགས་ཉེན་དང་ཡ་གར
12b4 བཅས།། དངོས་གྲུབ་རིང་བས་བློ་ཅན་གྱིས།། ཤེས་ནས་སྤང་བར་བྱ་བ་ཡིན།། རྣལ་འབྱོར་བློ་མཆོག་མི་ལྡན་ན།། གནས་དང་སློབ་མ་ལ་སོགས་པ།། ལྡན་ཡང་འགྲུབ་པར་མི་འགྱུར་ཞེས།། བདེར་གཤེགས་རྒྱལ་བ
12b5 ཀུན་གྱིས་གསུངས།། བློ་དང་ལྡན་པའི་མི་རྣམས་ཀྱིས།། གནས་དང་སློབ་མ་ཡོ་བྱད་དང་།། ཆོ་ག་ལ་སོགས་མ་ལྡན་ཡང་།། འགྲུབ་འགྱུར་འདི་ལ་ཐེ་ཚོམ་མེད།། འོན་ཀྱང་གནས་དང་སློབ་མ་དང་།། ཡོ་བྱད་ལྡན་ན
12b6 མྱུར་འགྲུབ་ཅེས།། བདེར་གཤེགས་ཀུན་གྱིས་གསུངས་པས་ན།། མཚན་ཉིད་རྣམས་ནི་བཤད་པ་ཡིན།། མཚན་མའི་དངོས་པོ་གཞོམ་པའི་ཕྱིར།། གནམ་དང་ས་དང་བར་སྣང་དག། རིགས་རྣམས་སོ་སོའི་མཚན་མ
iiif viewer powered by OpenSeadragon
