| e-texts navigator |
| Wylie |
12a1 ཡང་འཁུར་བྱེད་ཅིང་།། ལུས་ལ་མཚན་དང་དཔེ་བྱད་ལྡན།། སངས་རྒྱས་འཁོར་ལོ་ཅན་གྱིས་བཤད།། སྤྱོད་ལམ་རྣམ་བཞིར་ལྷུན་འཐུག་ཅིང་།། རིན་ཆེན་ནོར་ལ་རྟག་དགའ་བ།། གསེར་ལ་སྩོགས
12a2 པའི་རིན་ཆེན་གྱིས།། བླ་མ་མཉེས་པར་བྱེད་པ་ནི།། རིན་ཆེན་དཀྱིལ་འཁོར་དག་ལའོ།། ངག་གི་སྒོ་ནི་ཤིན་ཏུ་སྦྱངས།། རྫུན་དང་ཕྲ་མ་ཚིག་རྩུབ་མེད།། གླུ་དབྱངས་དག་ལ་དགའ་བ་ནི།། པདྨ་འཛིན་པའི་སྣོད་དུ
12a3 བཤད།། ལས་ལ་གུས་ཤིང་ཆོས་ལ་དགའ།། དཔའ་ལ་རྩལ་ཆེ་མཁས་ཤིང་གསལ།། བླ་མའི་དགོས་པ་ཀུན་བྱེད་པ།། སྣ་ཚོགས་རྡོ་རྗེའི་བུ་ཡིན་ནོ།། ཡོན་ཏན་དེ་དག་ཀུན་ལྡན་པའམ།། ཀུན་གྱི་བཀུར་ཞིང་ཀུན་ལ
12a4 མཛེས།། སྤྱི་ཡི་དཀྱིལ་འཁོར་དག་ལ་ཤིས།། གནས་སུ་བྱ་བའི་རྣམ་པ་ཡང་།། སྤང་བླང་གཉིས་སུ་ཤེས་པར་བྱ།། གནོད་སྦྱིན་མོ་ཡི་སྦར་རྗེས་སམ།། གནོད་སྦྱིན་མཚོན་ཆས་བཤལ་རྗེས་དང་།། འབྱུང་པོ་དག་གི
12a5 རྐུན་ས་དང་།། ཀླུ་གདུག་དག་གི་རྒྱུ་སྲང་དང་།། ཉེན་དང་འབྲེལ་སའི་གནས་དག་དང་།། ཁ་ན་མ་ཐོར་བཅས་པའི་གནས།། སྤངས་ན་དངོས་གྲུབ་མྱུར་བར་བཤད།། གནས་སུ་རུང་བའི་མཚན་ཉིད་ནི།། རྡོ་རྗེའི་བྲག
12a6 ཆེན་གཏམས་པའམ།། རི་བོ་འདུས་པའི་རྩེ་རྣམས་སམ།། མདངས་བཟང་གངས་རི་བྲག་དཀར་དུ།། རྡོ་རྗེ་ཅན་གྱིས་བསྒྲུབ་ཏུ་རུང་།། ཕུག་དང་དགོན་པའི་རི་དྭགས་དང་།། ནགས་ཚལ་དྲཱ་བ་ཐིབས
iiif viewer powered by OpenSeadragon
