| e-texts navigator |
| Wylie |
129b1 དང་མ་རྟོགས་རང་བཞིན་ལ།། བྱང་ཆུབ་སེམས་གསལ་བཟང་ངན་མེད།། བདུད་རྩི་ཆེན་པོའི་རང་བཞིན་ལ།། དུག་དང་རྩི་གཉིས་མེད་པ་ལྟར།། བྱང་ཆུབ་སེམས་ཀྱི་རང་བཞིན་ལ།། སྐྱོན་དང་ཡོན་ཏན་མིང་ཡང
129b2 མེད།། ངན་པ་ལས་ཀྱང་བཟང་བ་མེད།། སྐྱོན་དང་ཡོན་ཏན་ཉིད་དུ་དག། མི་གཙང་བ་ལ་གཙང་བ་མེད།། དུག་ཉིད་བདུད་རྩིའི་རང་བཞིན་པས།། གཉིས་མེད་དོན་འཆང་ཡེ་ནས་དག། དབྱེར་མེད་སྨོན་དུ་མེད་པ
129b3 ལ།། འདུ་བྱེད་རྩོལ་བ་ཤིན་ཏུ་རྨོངས།། མ་བཅོས་ཐིག་ལེ་ཡེ་ནས་དག། མེད་ལ་ཡོད་པར་འཛིན་པའི་ཆོས།། ནམ་མཁའ་བགོ་བཤའ་མེད་པ་འདྲ།། ཚེ་ཆད་ལས་ལ་གྲུབ་པ་མེད།། གཞན་དུ་རྣལ་འབྱོར་མ་ཚོལ
129b4 ཅིག། དོན་མེད་སྒྲ་ཚིག་སྒྲ་ཕྱིར་འབྲངས།། ཐེག་པ་ངེས་མེད་ས་མ་ཟིན།། ངེས་པའི་མན་ངག་རྟོག་པར་གོལ།། དོན་མེད་དེ་འདྲ་མནོས་ན་འཁྱལ།། དེ་བས་འགྱུར་མེད་བྱང་ཆུབ་དོན།། རྫོགས་ཆེན་འདི་ལ་གང་སྤྱོད
129b5 པ།། ཡེ་ཤེས་ཀུན་བཟང་ཉིད་ཡིན་པས།། བཟང་ངན་གཙང་སྨེ་གཉིས་སུ་མེད།། མན་ངག་དོན་དང་ལྡན་པའི་གདེང་།། སེམས་ལས་མ་ཡེངས་དགོངས་པའི་ཀློང་།། འདི་ལྟར་སྤྱོད་པའི་རྣལ་འབྱོར་པ།། སངས་རྒྱས
129b6 ཉིད་དུ་རང་གནས་པའོ།། །། མཐོ་དམན་ཆེ་ཆུང་མ་བཅོས་པ་ནི།། ཐེག་པའི་རིམ་པ་མཐོ་དམན་དང་།། ཤེས་རབ་རྟོག་པ་ཆེ་ཆུང་ནི།། གར་མཁན་ལག་གི་འདུ་བྱེད་བཞིན།། ཅིར་ཡང་བསྟན་ལ་ཅིར་ཡང
iiif viewer powered by OpenSeadragon
