| e-texts navigator |
| Wylie |
129a1 དང་ཡི་གེས་བཅོས་སུ་མེད།། གང་ལྟར་སྤྱད་ཀྱང་ཐོག་མ་པའོ།། །། བདེ་དང་སྡུག་བསྔལ་བཅོས་སུ་མེད་པ་ནི།། བདེ་དང་སྡུག་བསྔལ་གཉིས་མེད་པས།། རང་འདོད་བཅོས་པའི་སྨོན་པ
129a2 མིན།། ཡེ་ནས་དེ་ལྟར་གནས་པ་ནི།། ཀུན་གཞི་ཀུན་ཏུ་བཟང་པོས་གསུངས།། ནམ་མཁའ་བཞིན་དུ་ཡེ་ནས་གསལ།། རྟོག་དང་མི་རྟོག་གཉིས་མེད་པས།། མཐོ་རིས་ངན་སོང་བཙལ་དུ་མེད།། དེ་རྟོག་བྱིས་པའི་སྤྱོད
129a3 ཡུལ་ཡིན།། རང་བཞིན་མེད་པའི་ཆོས་ཉིད་སེམས།། ཡེ་ནས་ཀུན་ཏུ་བཟང་པོ་ལ།། གཙང་དང་སྨེ་གཉིས་མེད་པ་ལྟར།། བདེ་སྡུག་རྟོག་པ་ཤིན་ཏུ་བྲལ།། རང་སེམས་འབྱུང་བའི་ཆོས་ཅན་ནི།། བདེ་དང་སྡུག་བསྔལ
129a4 རིམ་པ་དེས།། སེམས་ཀྱི་ཆོས་ཉིད་འགྱུར་མེད་པས།། བདེ་སྡུག་བཙལ་ཡང་རྙེད་མི་འགྱུར།། ཐམས་ཅད་རང་གི་སེམས་ཡིན་ན།། སྡུག་བསྔལ་ཉིད་ཀྱང་བདེ་བའི་ཀློང་།། རང་བྱུང་ཡེ་ཤེས་ཡིན་ཤེས་ན།། ངན་སོང
129a5 ཉིད་ཀྱང་སངས་རྒྱས་ཤིང་།། མཉམ་པ་ཉིད་དུ་ལྷུན་གྲུབ་པས།། ཕྱོགས་དང་རིས་སུ་བཙལ་དུ་མེད།། མ་བཅོས་ཀུན་ཏུ་བཟང་པོ་ལ།། བདེ་དང་སྡུག་བསྔལ་གཉིས་སུ་མེད།། བྱང་ཆུབ་སེམས་ཉིད་བདེ་ཆེན་པོ།། རྒྱུ
129a6 ཉིད་དག་པ་འབྲས་བུ་སྟེ།། ཚིག་དང་ཡི་གེར་ལས་འདས་པ།། བཙལ་མེད་ལྷུན་གྲུབ་རང་གནས་པའོ།། བཟང་ངན་གཙང་སྨེ་མ་གཡོས་པར་ནི།། མ་རིག་མུན་པའི་ཕུང་པོ་ལ།། ཡེ་ཤེས་ཉི་མ་ཤར་བ་ལྟར།། རྟོགས
iiif viewer powered by OpenSeadragon
