| e-texts navigator |
| Wylie |
128b1 གནས་པ་ཡིས།། སངས་རྒྱས་གཞན་དུ་བཙལ་མི་དགོས།། ཆོས་སྐུ་སེམས་ཀྱི་བྱིན་རླབས་ལས།། སྐུ་ཡི་ཁྱད་པར་ཅིར་སྣང་ཡང་།། བྱང་ཆུབ་སེམས་ལས་གཞན་མེད་པས།། བཙལ་མི་དགོས་པར་རང་བཞིན
128b2 གནས།། དེ་བཞིན་ཐམས་ཅད་སངས་རྒྱས་པས།། ཆོས་སྐུ་བྱང་ཆུབ་སེམས་གནས་པས།། མ་བཙལ་མ་བསྒྲུབས་ཡེ་ནས་བདག། དེ་ལ་བཅོས་སུ་ཡེ་ནས་མེད་པའོ།། སངས་རྒྱས་སེམས་ཅན་གཉིས་སུ་མེད
128b3 པ་ནི།། ཐམས་ཅད་མཁྱེན་པའི་སངས་རྒྱས་དང་།། ལོག་རྟོགས་འཁྲུལ་པའི་སེམས་ཅན་གཉིས།། ཆེ་ཆུང་ཁྱད་པར་བྱུང་བ་ཡང་།། གསེར་མགར་འདྲ་སྟེ་ཅིར་སྣང་གཅིག། རྩི་ཤིང་ནགས་ཚལ་ཐམས་ཅད་ཀྱང་།། སྦྱོར
128b4 ཤེས་ན་ནི་སྨན་ཡིན་ལ།། སྦྱོར་བ་མི་ཤེས་དུག་ཏུ་འགྱུར་བ་བཞིན།། སངས་རྒྱས་སེམས་ཅན་དེ་བཞིན་ནོ།། མ་བཅོས་སེམས་ཀྱི་ཆོས་ཉིད་ལ།། བྱང་ཆུབ་སེམས་ལས་འགྱུར་མེད་ན།། རིན་ཆེན་གླིང་དུ་ཕྱིན་པ
128b5 ལྟར།། སངས་རྒྱས་སེམས་ཅན་བཙལ་དུ་མེད།། འབྲས་བུ་སྨིན་པའི་སྙེ་མ་ཡང་།། ས་བོན་ཉིད་ལས་གཞན་མ་ཡིན།། བླ་ན་མེད་པའི་སངས་རྒྱས་ཀྱང་།། སེམས་ཅན་སེམས་ལས་གཞན་མ་ཡིན།། དེ་བཞིན་རྒྱུ་འབྲས
128b6 གཞི་མ་ཡང་།། ཡེ་ནས་གཉིས་མེད་བྱང་ཆུབ་སེམས།། བདེ་བ་ཆེན་པོར་ཡེ་བརྡལ་བས།། ཡེ་ནས་གཉིས་མེད་ཀུན་ཏུ་བཟང་།། གསེར་བཞིན་མ་བཅོས་ཡེ་ནས་གནས།། རང་བཞིན་གདོད་ནས་དག་པ་ལ།། ཚིག
iiif viewer powered by OpenSeadragon
