| e-texts navigator |
| Wylie |
127b1 པ།། གསང་ཉིད་ངེས་པར་དབྱིངས་གཅིག་པར།། རིམ་པས་བཙལ་ཞིང་བསྒྲུབ་ཏུ་མེད།། དབྱར་དགུན་སྟོན་དཔྱིད་ལ་སོགས་པ།། རྒྱུ་འབྲས་རིམ་གྱིས་འབྱུང་བ་ཡང་།། དུས་གསུམ་འགྱུར་བ་མེད་པའི་ཕྱིར།། རྒྱུ་དང
127b2 འབྲས་བུར་བསྟན་པ་མེད།། རང་སེམས་སངས་རྒྱས་མ་ཡིན་ན།། མཆིང་བུར་ནོར་བུར་མི་འགྱུར་བཞིན།། ལས་དང་རྣམ་སྨིན་ཅི་བཙལ་ཀྱང་།། སངས་རྒྱས་བྱང་ཆུབ་ཐོབ་པ་མེད།། རྒྱུ་ཉིད་འབྲས་བུ་ཡིན་ཤེས
127b3 ན།། ས་གསེར་བཞིན་དུ་ཡེ་དག་པས།། སངས་རྒྱས་ཡེ་ནས་ཡིན་པ་ལ།། བཙལ་བའི་བསམ་པས་དབྱིངས་མི་བསྐྱོད།། སངས་རྒྱས་མ་རྩོལ་སེམས་ལ་ཡོད།། བྱང་ཆུབ་སེམས་འདི་རིན་པོ་ཆེ།། ཉེས་པར་སྤྱད་ཀྱང
127b4 དཔལ་དུ་ཆེ།། བྱ་བཙལ་མེད་པར་ལྷུན་གྱིས་གྲུབ།། རྒྱུ་ཉིད་མ་བཙལ་འབྲས་བུར་གནས།། ཐམས་ཅད་དབྱེར་མེད་གདོད་ནས་དག། བསྒྲུབ་ཅིང་འགྲུབ་པའི་འབྲས་བུ་ནི།། བཙལ་མེད་ངང་ལ་རྫོགས་པར
127b5 གནས།། ཞེས་པའོ།། དེ་ལ་འཁོར་བ་དང་མྱ་ངན་ལས་འདས་པ་མ་སྐྱེས་པ་ནི།། འཁོར་བའི་ཆོས་དང་མྱ་ངན་འདས།། གཉིས་སུ་བསྟན་པའི་ཚིག་ཏུ་ནོར།། མ་སྐྱེས་རང་བཞིན་རྣམ་པར་དག། ཀུན་ཏུ་བཟང་པོ་ཉིད
127b6 ཀྱིས་གསུངས།། ཐར་པ་ཐོབ་ཅེས་བཏགས་པ་ཡི།། སྐུ་དང་ཡེ་ཤེས་ཆེ་བ་དང་།། ངན་སོང་འཁོར་བའི་སྡུག་བསྔལ་ནི།། མ་སྐྱེས་དབྱིངས་སུ་ཡོན་ཏན་གསལ།། ཁམས་གསུམ་འཁོར་བའི་ཆོས་ཉིད་ལ།། ཕྱིན་ཅི་ལོག
iiif viewer powered by OpenSeadragon
