| e-texts navigator |
| Wylie |
127a1 མེད་པའི་འབྲས་བུ་ཐོབ་ནས། རང་བཞིན་བཙལ་བ་མེད་པར་སངས་རྒྱས་པའི་དོན་སུས་ཀྱང་མ་བསླབས་པར་ཤེས་སོ།། གང་གིས་ཀྱང་མ་བསྟན་པར་རང་རིག་གོ། ལྟ་བ་ཐམས་ཅད་ཀྱི་རྒྱལ
127a2 པོ།། ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད། མན་ངག་སྙིང་པོའི་ཉིང་ཁུ་བཀའ་ཡང་དག་པ་རྫོགས་སོ།། །། དེ་ནས་ཀུན་ཏུ་བཟང་པོ་ཆེ་བ་རང་ལ་གནས་པའི་རྒྱུད་ཀྱི་དོན་འདི་ངེས་པར་རྟོགས་པར་བྱེད
127a3 པ་རྣམས། རང་གནས་ཆེན་པོ་དགུའི་དོན་འདི་ཡིད་ལ་ཟུང་ཞིག། དེ་ཡང་གང་ཞེ་ན། རྒྱུ་དང་འབྲས་བུ་ཐམས་ཅད་བཙལ་བ་མེད་པར་རང་གནས་པ་དང་། འཁོར་བ་དང་མྱ་ངན་ལས་འདས་པ་ཐམས་ཅད་མ་སྐྱེས
127a4 པར་རང་གནས་པ་དང་། ཕྱི་ནང་སྣོད་བཅུད་ཐམས་ཅད་ཆོས་ཀྱི་སྐུར་རང་གནས་པ་དང་། སངས་རྒྱས་དང་སེམས་ཅན་ཐམས་ཅད་གཉིས་སུ་མེད་པར་རང་གནས་པ་དང་། བདེ་བ་དང་སྡུག་བསྔལ་ཐམས་ཅད་བཅོས
127a5 པ་མེད་པར་རང་གནས་པ་དང་། བཟང་ངན་ཐམས་ཅད་མ་གཡོས་པར་རང་གནས་པ་དང་། མཐོ་དམན་ཆེ་ཆུང་ཐམས་ཅད་མ་བཅོས་པར་རང་གནས་པ་དང་། སྐྱེ་འཆི་འཕོ་འགྱུར་ཐམས་ཅད་འགྱུར་བ་མེད་པར་རང
127a6 གནས་པ་དང་། བླང་དོར་ཆགས་སྡང་ཐམས་ཅད་ཕྱོགས་རིས་མེད་པར་རང་གནས་པའོ།། དེ་ལ་རྒྱུ་འབྲས་བཙལ་བ་མེད་པར་རང་གནས་པ་ནི། བརྒྱད་ཁྲི་བཞི་སྟོང་ཆོས་རྣམས་དང་།། རྒྱུ་འབྲས་ཐེག་པ་ཅིར་བསྟན
iiif viewer powered by OpenSeadragon
