| e-texts navigator |
| Wylie |
125b1 འཚོལ།། རྟོགས་པ་ཡེ་ནས་ཆེ་བ་ནི།། སྣང་སྲིད་རྟོགས་པས་ཡེ་ཤེས་ཆེ།། ཕྱི་ནང་རྟོགས་པས་ཐིག་ལེ་ཆེ།། ཆེ་ཆུང་རྟོགས་པས་མཉམ་ཉིད་ཆེ།། ཡང་དག་རྟོགས་པས་ཡེ་ཤེས་ཆེ།། བཟང་ངན་རྟོགས་པས་བདེ་ཆེན
125b2 ཆེ།། བྱ་བཙལ་རྟོགས་པས་བདེ་ཆེན་ཆེ།། བདེ་ཆེན་རྟོགས་པས་བྱང་ཆུབ་ཆེ།། རྟོགས་པའི་གླང་ཆེན་ཕྱོགས་རིས་མེད།། ཡང་དག་དོན་ལྡན་བསྙེན་བསྲིང་མེད།། བདེན་པའི་དོན་འཆར་འཛིན་རྟོག་མེད།། རང་བྱུང
125b3 རང་ཤར་བྱ་བཙལ་མེད།། ཐར་པའི་གནས་རིས་སྤང་ལེན་མེད།། དབྱིངས་ཀྱི་བདེ་གད་ལ་ཕྱོགས་རིས་མེད།། རྟོགས་ན་བཅོས་མེད་སྙིང་པོ་རྟོགས།། སྟོན་ན་རང་བྱུང་འབྲས་བུ་སྟོན།། ཐོབ་ན་རྣམ་དག་བཅོས
125b4 མེད་ཐོབ།། ཉི་མ་ཤར་བས་མུན་པ་སངས།། རྒྱུད་འདི་ཐོས་པས་འཛིན་རྟོག་ནུབ།། ལུང་འདི་བྱུང་བས་འཛིན་རྟོག་བྲོས།། སྟོང་གསུམ་མ་ལུས་གཡུལ་ངོར་དེད།། ཁམས་གསུམ་མ་ལུས་ཚར་ལ་བཏོན།། སྲིད་གསུམ
125b5 མ་ལུས་ཐོ་ལེས་བཏབ།། འཛིན་རྟོག་གཉིས་ནི་འཆོར་མེད་བཟུང་།། ཆགས་སྡང་གཉིས་ནི་དབང་དུ་བྱས།། རྟག་ཆད་གཉིས་ནི་རྡུལ་དུ་བརླགས།། སྤང་ལེན་གཉིས་ནི་ཕྱེ་བར་བཏགས།། བཟང་ངན་གཉིས་ནི་ཁྲུག
125b6 གིས་བསྲེས།། སངས་རྒྱས་སེམས་ཅན་གཅིག་ཏུ་བྱས།། མཐོ་རིས་ངན་སོང་གཅིག་ཏུ་བསྣོས།། བདེ་བ་ཆེན་པོའི་ཞལ་དུ་གསོལ།། དམྱལ་བ་ཆོས་ཉིད་ངང་དུ་སྦྱང་།། ཡི་དྭགས་བཀྲེས་སྐོམ་རཾ་གྱིས་བསྲེགས།། བྱོལ
iiif viewer powered by OpenSeadragon
