| e-texts navigator |
| Wylie |
124b1 མཁའ་འཛིན་པ་ལྟར།། དེ་ལྟར་རྟོགས་སུ་མི་སྣང་བས།། ཤེས་རབ་ཆུང་བས་འཁྲུལ་པར་འགྱུར།། ཚིག་དང་ལྡན་ཡང་དོན་ལ་གོལ།། མན་ངག་གདེང་དུ་ཡོངས་མ་ཆུད།། གང་ཞིག་ཤེས་རབ་ཞེན་པ་ཡིས།། སྒྲོ
124b2 བཏགས་ཆོས་ལ་ཡི་རང་བ།། ལོང་བས་ལམ་ནོར་འཁྲུལ་པ་ལྟར།། ངམ་གྲོག་གཅོང་རོང་ངེས་པར་ལྷུང་།། དེས་ན་ཐེག་རྒྱལ་ངེས་པ་འདི།། ཤེས་རབ་དམན་ལ་བསྟན་མི་བྱ།། དོན་དུ་མི་འོང་སྐུར་བ་འདེབས།། གང
124b3 ཞིག་བཀའ་སྨོད་འགལ་བྱེད་པ།། དོན་དུ་མི་འགྱུར་ལོག་པའི་ལམ།། ཐར་པའི་གནས་མེད་ལྟུང་བའི་ས།། ནོར་བའི་ལམ་ཚོལ་འཁྲུལ་པའི་ཞིང་།། ཀུན་བཟང་སྟོན་པས་ཡོངས་མ་བཤད།། གང་ཟག་སྒྲ་ཚིག་མཚན་མ
124b4 ཅན།། བདེན་པའི་དོན་མེད་སྡུག་པའི་ཚིག། མ་རིག་རྨོངས་པས་འཁྲུལ་པའི་སེམས།། ལོག་པའི་ལམ་ཚོལ་ང་འོར་འཛིན།། ཤེས་རབ་དམན་པས་ཕྱོགས་ཆར་འཛིན།། དོན་ལྡན་སྣོད་ཅན་མ་ཡིན་པས།། བསྐལ་པ
124b5 བརྒྱད་ཁྲི་བཞི་སྟོང་དུ།། ངེས་པའི་དོན་ལ་གཞུག་མི་བྱ།། མཁས་པས་དོན་དང་མི་ལྡན་ཞིང་།། བདེན་པའི་དོན་པོར་ཕྱོགས་ཆར་འཛིན།། ཚིག་ཏུ་སྨྲ་ལ་དོན་དུ་གཡེལ།། ལོག་པའི་ལམ་དགའ་དཀའ་ཚོལ་ན།། དེ་ནི
124b6 བདུད་ཀྱིས་བསླུས་པ་ཡིན།། སྐྱེ་བོའི་གཟུགས་དང་སྡིག་ལ་སོགས།། སྤྱོད་པའི་དོན་དང་མི་འགལ་ཞིང་།། ཀུན་ལ་སྤྱོད་པས་ཀུན་སྤངས་ཤིང་།། གང་དང་མཐུན་ཞིང་དུལ་བའི་སེམས།། སྤྱོད་ཅིང་གང་ལའང་མ
iiif viewer powered by OpenSeadragon
