| e-texts navigator |
| Wylie |
123b1 རྒྱས་ཡེ་ནས་ཆེ་བ་ཡིན།། རྣལ་འབྱོར་སྐྱེས་བུ་གང་འདོད་པ།། སངས་རྒྱས་ཆེ་བ་རྟོགས་འདོད་ན།། ལེའུ་འདི་ལས་བཙལ་བར་བྱ།། སངས་རྒྱས་ཡེ་ནས་ཆེ་བའི་ལེའུ་སྟེ་བཅུ་བཞི་པའོ།། །། དེ་ནས་ཡང་སེམས
123b2 ཅན་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ།། སེམས་ཅན་མེད་པའི་ཕ་རོལ་ན།། སངས་རྒྱས་བྱ་བའི་མིང་ཡང་མེད།། སེམས་ཅན་ཡེ་ནས་ཆེ་བ་ཡིས།། དོན་ནི་བསྟན་པ་འདི་ཡིན་ནོ།། འབྱུང་བའི་རྟགས་སུ་ནམ
123b3 མཁའ་ཆེ།། སངས་རྒྱས་རྟགས་སུ་སེམས་ཅན་ཆེ།། ཆོས་ཉིད་རྟགས་སུ་ཆོས་ཅན་ཆེ།། སངས་རྒྱས་ཐམས་ཅད་བསྐྱེད་པས་ནི།། དེ་ཕྱིར་སེམས་ཅན་སངས་རྒྱས་ཡུམ།། སངས་རྒྱས་ཐམས་ཅད་འབྱུང་བས་ན།། དེ་ཕྱིར
123b4 སེམས་ཅན་སངས་རྒྱས་ཡབ།། སྔ་རབས་འདས་པའི་སངས་རྒྱས་ནི།། སྔ་རབས་འདས་པའི་སེམས་ཅན་ཡིན།། སངས་རྒྱས་པས་ཀྱང་སེམས་ཅན་ཆེ།། ད་ལྟར་བཞུགས་པའི་སངས་རྒྱས་ཀྱང་།། ད་ལྟར་བཞུགས་པའི
123b5 སེམས་ཅན་ཡིན།། སླད་ཀྱིས་འབྱོན་པའི་སངས་རྒྱས་ཀྱང་།། སླད་ཀྱིས་བྱོན་པའི་སེམས་ཅན་ཡིན།། དེས་ན་སངས་རྒྱས་སེམས་ཅན་ཡིན།། སངས་རྒྱས་པས་ཀྱང་སེམས་ཅན་ཆེ།། རྟོགས་པས་སེམས་ཅན་ཐམས
123b6 ཅད་གཅིག། སེམས་ཅན་གཅིག་ལ་ཆོས་ཀྱི་སྐུ།། ཆོས་ཀྱི་སྐུ་ཡང་སེམས་ཅན་ཡིན།། སེམས་ཅན་བརྟགས་པས་དངོས་པོ་མེད།། དངོས་པོ་མེད་པ་ཆོས་ཀྱི་དབྱིངས།། ཆོས་ཀྱི་དབྱིངས་ཀྱང་སེམས་ཅན་ཡིན།། སེམས
iiif viewer powered by OpenSeadragon
