| e-texts navigator |
| Wylie |
123a1 བ་ནི།། བཙལ་བ་མ་ཡིན་རྟོགས་པ་མིན།། བསྒྲུབ་པ་མ་ཡིན་གནས་པ་མིན།། གཞན་དུ་མ་ཡིན་བདག་ཏུ་མིན།། བདག་ཏུ་མ་ཡིན་གཞན་མ་ཡིན།། གཞན་ལ་མ་ཕྱིན་ཕྱོགས་རིས་མེད།། ནུས་མཐུ་མ
123a2 ཡིན་བྱིན་བརླབས་མིན།། སྤྲུལ་པ་མ་ཡིན་གཅིག་ཏུ་སྦྱོར།། ཉོན་མོངས་མི་སྣང་འཕྲོ་འདུའི་ཚུལ།། ཅིར་ཡང་བསྟན་ཏེ་ཅིར་མ་བསྟན།། གང་ལྟར་སྣང་ཡང་གང་དུ་མེད།། གང་ལྟར་བརྟགས་ཀྱང་གང་དུ་མེད།། ཡོད་པ
123a3 མ་ཡིན་དྲན་ཞིང་ཚོར།། ཆད་པར་མ་སོང་རིག་ཅིང་རྟོགས།། རྟག་པར་མ་སོང་དངོས་པོ་མེད།། གཉིས་སུ་མ་སོང་རྟག་པ་མེད།། གཅིག་ཏུ་མ་སོང་ཀུན་ལ་ཁྱབ།། དང་པོ་བསྐྱེད་པའི་རྒྱུ་མེད་པས།། ཐ་མ་འཆི་བའི་འཕོ
123a4 བ་མེད།། དེ་ལྟར་དངོས་པོ་རྫས་མེད་པས།། བརྟགས་པས་ཆགས་ཤིང་གཟུང་དུ་མེད།། འཁོར་བ་སྒྱུ་མའི་རྫས་འདྲ་བས།། བདེ་སྡུག་བཟང་ངན་དོན་ལ་མེད།། མི་རྟག་སྡུག་བསྔལ་རྨི་ལམ་འདྲ།། གང་ལ་བརྟགས
123a5 ཀྱང་དེ་ལ་འཁྲུལ།། བརྟགས་པས་ཆོས་ནི་གཅིག་ཀྱང་མེད།། མེད་པ་མ་ཡིན་རིག་པ་ཙམ།། ཆུ་ནི་རྒྱ་མཚོ་ཉིད་ཀྱི་རྒྱུན།། སངས་རྒྱས་རྟོགས་པ་ཉིད་ལས་འབྱུང་།། ཆོས་ནི་བཅོས་པ་མེད་པའི་ཆོས།། རྟགས་ནི་མ
123a6 འདྲེས་གསལ་བའི་རྟགས།། དོན་ནི་འགྱུར་བ་མེད་པའི་དོན།། དེ་ལྟར་ཐོབ་པ་སངས་རྒྱས་ཞེས།། ཡེ་ནས་ཆེ་བ་ཡིན་ཞེས་བཤད།། རྣལ་འབྱོར་འདི་རྟོགས་བཅོམ་ལྡན་འདས།། ཤེས་པར་གྱིས་ལ་དེ་ལ་ཞོག། སངས
iiif viewer powered by OpenSeadragon
