| e-texts navigator |
| Wylie |
120b1 བཅོས་པའོ།། ང་ཡི་ཐུགས་ནི་མ་གཡོས་པའོ།། ང་ཡི་མཛད་པ་ཁྱད་པར་ཆེ།། ང་ཡི་རོལ་པ་ཐབས་ལ་མཁས།། ང་ཡི་བྱིན་རླབས་འདུས་མ་བྱས།། ང་ཡི་མཐུ་སྟོབས་འཛིན་རྟོག་བཅོམ།། ང་ལ་ང་ཞེས་བྱ་བ་མེད།། ང
120b2 མེད་བདག་མེད་ཕྱོགས་མེད་པ།། འཛིན་རྟོག་མེད་པའི་ཤེས་རབ་གད་ལ།། རྟག་ཆད་མེད་པའི་ཡེ་ཤེས་ཤར།། ཡོན་ཏན་ཡེ་ནས་ཆེ་བ་ཡིས།། འདི་ཡི་གོང་ན་སངས་རྒྱས་མེད།། འཁོར་བ་མེད་པའི་སྔོན་རོལ་ན།། མྱ
120b3 ངན་འདས་པའི་མིང་ཡང་མེད།། འཁོར་བ་ཉིད་ན་ཡོན་ཏན་ཆེ།། ངན་སོང་མེད་པའི་སྔོན་རོལ་ན།། མཐོ་རིས་བྱ་བའི་མིང་ཡང་མེད།། ངན་སོང་ཉིད་ན་ཡོན་ཏན་ཆེ།། སེམས་ཅན་མེད་པའི་ཕ་རོལ་ན།། སངས་རྒྱས
120b4 བྱ་བའི་མིང་ཡང་མེད།། སེམས་ཅན་ཉིད་ན་ཡོན་ཏན་ཆེ།། ཉོན་མོངས་མེད་པའི་ཕ་རོལ་ན།། ཡེ་ཤེས་བྱ་བའི་མིང་ཡང་མེད།། ཉོན་མོངས་ཉིད་ན་ཡོན་ཏན་ཆེ།། ཆོས་ཅན་མེད་པའི་ཕ་རོལ་ན།། ཆོས་ཉིད་བྱ་བའི་མིང
120b5 ཡང་མེད།། ཆོས་ཅན་ཉིད་ན་ཡོན་ཏན་ཆེ།། རྣམ་པར་དག་པའི་རྒྱུད་དག་ནས།། རང་སྣང་འབྲས་བུར་དང་པོ་ནས།། འཕགས་པའི་རང་བཞིན་རྒྱུད་ལ་རྫོགས།། སངས་རྒྱས་ཐམས་ཅད་འདུས་པའི་སྐུ།། འདི་ནི་ཡོན
120b6 ཏན་ཆེན་པོའི་རྒྱུད།། ཡེ་ནས་ཆེ་བའི་དོན་ཡིན་ཏེ།། ཕྱོགས་བཅུའི་སངས་རྒྱས་ཐམས་ཅད་དང་།། བྱང་ཆུབ་སེམས་དཔའི་ལྷ་རྣམས་དང་།། གང་དག་ཕོ་མོ་མ་ནིང་སྐུ།། འཁྲུལ་པས་བརྟགས་པའི་སྒོ་ཙམ་དུ།། ཤེས
iiif viewer powered by OpenSeadragon
