| e-texts navigator |
| Wylie |
120a1 ཆེ་བ་མེད།། སྐྱོན་གྱི་རྒྱུ་ནི་ཉོན་མོངས་ལྔ།། ཉོན་མོངས་ཡེ་ཤེས་ལྔར་སྣང་ན།། སྐྱོན་གྱི་རྒྱུ་ལས་ཆེ་བ་མེད།། སྐྱོན་གྱི་རྒྱུ་ནི་རྟག་ཆད་གཉིས།། རྟག་ཆད་དབྱིངས་དང་ཡེ་ཤེས་ནི།། སྐྱོན་གྱི་རྒྱུ་ལས་ཆེ་བ
120a2 མེད།། སྐུ་དང་ཡེ་ཤེས་བཤད་པ་ཡང་། སྐྱོན་གྱི་རྒྱུ་ལས་མ་གཏོགས་པ།། གཞན་ནས་བཤད་པ་ཅི་ཡང་མེད།། ཡང་དག་ངེས་པའི་དོན་བསྟན་པ།། འོང་མེད་འགྲོ་མེད་འཕོ་མེད་པ།། སངས་རྒྱས་བྱང་ཆུབ་དེ་ལ
120a3 ཡོད།། བཅོས་མེད་མ་བཅོས་པ་མེད་པས།། ཡེ་ཤེས་ཆོས་ཉིད་དེ་ལ་ཡོད།། མ་བསླད་མ་བཅལ་མཉམ་པར་བཞག། མཉམ་པའི་ཡེ་ཤེས་དེ་ལ་ཡོད།། དག་པའི་རྒྱུ་སྟེ་སྔོན་ནས་གསལ།། གྲུབ་པའི་མཐའ་སྟེ་ནང་ནས
120a4 ཤེས།། ཐར་པའི་ལམ་སྟེ་གཞི་ལ་བཞག། མཁྱེན་པའི་རྒྱུ་སྟེ་སེམས་ལ་སྦྱང་།། གཟའ་གཏད་ལམ་ནི་ཐིག་ལེར་བཅའ།། ཀུན་ཏུ་བཟང་པོ་བཅོམ་ལྡན་འདས།། ཤེས་པར་གྱིས་ལ་སེམས་པ་ཞོག། སྐྱོན་རྒྱུ་ཡེ་ནས་ཆེ
120a5 བའོ།། རྣལ་འབྱོར་གཞུང་མཐུན་གང་ཡོད་པ།། སྐྱོན་རྒྱ་ཆེ་བ་རྟོགས་འདོད་ན།། ལེའུ་འདི་ལས་བཙལ་བར་བྱ།། སྐྱོན་གྱི་རྒྱུ་ཡེ་ནས་ཆེ་བའི་ལེའུ་སྟེ་བཅུ་གཉིས་པའོ།། །། དེ་ནས་ཡོན་ཏན་གྱི་རྒྱུ་ཡེ་ནས་ཆེ་བ
120a6 འདི་སྐད་ཅེས་བཀའ་སྩལ་ཏོ།། ཡོན་ཏན་ཆེན་པོའི་རང་བཞིན་ལ།། དག་པ་ཉིད་དུ་འདི་ལྟར་བཤད།། སངས་རྒྱས་ཀུན་གྱི་ཡོན་ཏན་ནི།། ང་ཡི་སེམས་ལས་བྱུང་བ་སྟེ།། ང་ཡི་སྐུ་ནི་མི་འགྱུར་བའོ།། ང་ཡི་གསུང་ནི་མ
iiif viewer powered by OpenSeadragon
