| e-texts navigator |
| Wylie |
11a1 བ་མཆོག་གི་བདག་པོ་ལ་གསོལ་བ་བཏབ་པ། ཨེ་མའོ་བདེར་གཤེགས་རྒྱལ་བའི་གཙོ།། སངས་རྒྱས་ཡབ་གྱུར་དམ་པའི་བདག། རྡོ་རྗེ་རིན་ཆེན་པདྨོ་དང་།། སྣ་ཚོགས་ལས་ཀྱིས་རྣམ་པར
11a2 མཛད།། དངོས་གྲུབ་ཀུན་གྱི་འབྱུང་གནས་ཆེ།། ངོ་མཚར་ཁྱེད་ལ་ཕྱག་འཚལ་འདུད།། འགྲོ་བ་ཀུན་ལ་ཕན་པ་དང་།། རྣལ་འབྱོར་ཅན་ལ་ཐུགས་བརྩེའི་ཕྱིར།། བདེ་གཤེགས་ཀུན་གྱི་དཀྱིལ་འཁོར་དང་།། དེ་བཞིན
11a3 རྡོ་རྗེ་འཛིན་པ་དང་།། འཁོར་ལོ་ཅན་གྱི་དཀྱིལ་འཁོར་དང་།། རིན་ཆེན་འཛིན་དང་པདྨོ་འཆང་།། སྣ་ཚོགས་ལས་ཀྱི་དཀྱིལ་འཁོར་རྣམས།། བདེ་བར་གཤེགས་པས་བཤད་དུ་གསོལ།། ཨ་ལ་ལ་ཧོ་ཞེས་གསོལ་བ
11a4 བཏབ་བོ།། དེ་ནས་སྟོན་པ་རྒྱལ་མཆོག་གིས།། ཀུན་བཟང་གི་ནི་ཚིག་གསན་ནས།། དཀྱིལ་འཁོར་རབ་ཏུ་ཉམས་དགའ་བཤད།། རྣལ་འབྱོར་ཅན་ལ་བརྩེ་ཕྱིར་རོ།། ལས་དང་དངོས་གྲུབ་ཐམས་ཅད་ནི།། སློབ
11a5 དཔོན་བྱེད་དང་རྗེས་འབྲེངས་པས།། དེ་ཡི་མཚན་ཉིད་བཤད་བྱ་བ།། བློ་ཡངས་རྒྱུད་ལ་གོམས་པ་དང་།། ཏིང་འཛིན་ལས་སུ་རུང་བ་དང་།། སེམས་ཀྱི་རྣམ་རྟོག་ཆོམས་པ་དང་།། ཕྱི་ནང་སྡེ་སྣོད་ཐམས་ཅད
11a6 ལ།། སོམ་ཉི་མེད་ཅིང་ཐེ་ཚོམ་ཆོད།། བསྲན་ཐུབ་མི་ལྡོག་དད་པ་ཆེ།། གསང་བ་སྦས་པའི་ཐབས་མཆོག་རྣམས།། སྣོད་ངན་གཞན་ལ་མི་སྤེལ་དང་།། གསང་བའི་དབང་མཆོག་ཐོབ་པ་ནི།། རྡོ་རྗེ་འཛིན་པའི་ལས
iiif viewer powered by OpenSeadragon
