| e-texts navigator |
| Wylie |
119b1 རབ་ཆེན་པོ་ཡེ་ནས་ཆེ་བའི་ལེའུ་སྟེ་བཅུ་གཅིག་པའོ།། །། དེ་ནས་སྐྱོན་གྱི་རྒྱུ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ།། སྐྱོན་གྱི་རྒྱུ་ལས་མ་གཏོགས་པའི།། སངས་རྒྱས་གཞན་ནས་ཡོངས་མེད་དེ།། སྨན་མཆོག
119b2 བདུད་རྩི་འབྱུང་བ་ཡང་།། དུག་ཡོད་པ་ལས་སྨན་དུ་འབྱུང་།། དུག་ལ་སྨན་གྱི་རྒྱུ་མེད་ན།། ཐམས་ཅད་སྨན་ལ་སྨན་མིང་མེད།། ལེགས་པ་ཐམས་ཅད་འབྱུང་བ་ཡང་།། སྐྱོན་གྱིས་ལེགས་པ་འབྱུང་བར་བྱེད།། སྐྱོན་གྱི
119b3 མཚན་མ་ཅི་བྱུང་ཡང་།། དེ་ཉིད་ལེགས་པ་ཡིན་ཤེས་ན།། གཞན་དུ་ལེགས་པ་བསྒྲུབ་མི་དགོས།། དུག་ཉིད་སྨན་གྱི་དོན་ཤེས་ན།། གཞན་ནས་བདུད་རྩི་བཙལ་མི་དགོས།། སྐྱོན་ཉིད་དག་པར་མ་རྟོགས་ཤིང་།། རྒྱུ
119b4 ལས་འབྲས་བུར་མ་རིག་ན།། དོན་ལྡན་ངེས་པའི་གཏན་ཚིགས་མེད།། སྨྱོན་པས་གྲིབ་མ་བསྙེག་པ་བཞིན།། བདས་ཀྱང་གྲིབ་མ་ཟིན་པ་མེད།། དེ་བཞིན་སྐྱོན་རྒྱུ་མི་ཤེས་པས།། བསྒོམས་པས་འབྲས་བུ་མི་རྙེད
119b5 ན།། བརྟགས་པས་ཆོས་ཉིད་རྫས་སུ་གོལ།། བསྒྲུབས་པས་རྫས་སུ་མི་སྣང་སྟེ།། དེ་བཞིན་སྨྱོན་པའི་རང་བཞིན་ཅན།། དེ་བས་དོན་འདི་གོམས་པར་གྱིས།། བྱང་ཆུབ་སེམས་ཀྱང་སྐྱོན་གྱི་རྒྱུ།། སྐྱོན་གྱི་རྒྱུ་འདི་མ་ཤེས
119b6 པ།། ཡོན་ཏན་རྒྱུ་འདི་སུ་ལ་ཡོད།། སྐྱོན་གྱི་རྒྱུ་འདི་མ་རིག་པ།། མ་རིག་པ་ནི་དབྱིངས་ཀྱི་མཛོད།། དེ་ཡི་གོང་ན་ཆེ་བ་མེད།། སྐྱོན་གྱི་རྒྱུ་ནི་འཛིན་རྟོག་གཉིས།། འཛིན་རྟོག་ཐབས་དང་ཤེས་རབ་ན།། སྐྱོན་གྱི་རྒྱུ་ལས
iiif viewer powered by OpenSeadragon
