| e-texts navigator |
| Wylie |
118b1 མ་ཐ་མ་མེད།། རྒྱུ་ལ་བཟང་དང་ངན་པ་མེད།། འབྲས་བུ་གྲུབ་དང་མ་གྲུབ་མེད།། ཁོམ་ལྡན་ཆེན་པོའི་བདེ་སྐྱིད་ལ།། སྡུག་བསྔལ་གཉེན་པོ་འཕོ་འཇུག་ཅིང་།། ཆོས་ཉིད་མཉམ་པའི་བདེ་བ་ལ།། གཟུང་འཛིན་རྟོག
118b2 པའི་རྫས་ཅི་ཡོད།། སངས་རྒྱས་དཀྱིལ་འཁོར་མ་ལུས་ཀྱང་།། ང་ཡི་ཐབས་ལ་རབ་ཏུ་གནས།། ཐབས་ཡེ་ནས་ཆེ་བའི་ལེའུ་སྟེ་བཅུ་པའོ།། །། དེ་ནས་ཤེས་རབ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ།། དོན
118b3 དམ་སྤྲོས་པ་མེད་པ་ལས།། མ་གཡོས་ཆོས་ཉིད་སྐྱེ་འགག་མེད།། ཤེས་ན་ཡེ་ནས་ཆེ་བ་ཡིས།། འདི་ཡི་གོང་ན་སངས་རྒྱས་མེད།། ཤེས་རབ་ཆེན་པོས་སྐད་ཅིག་ལ།། ཆོས་རྣམས་ཁོང་དུ་ཆུད་པར་བྱེད།། སྐྱེ་བ་མེད
118b4 པས་འགག་པ་མེད།། དམིགས་པ་མེད་པས་སྤྲོས་པ་མེད།། འདུས་མ་བྱས་པས་རྣམ་དག་དབྱིངས།། རང་བཞིན་མེད་པར་བརྗོད་དང་བྲལ།། ཀུན་ལ་ཁྱབ་པས་ཡབ་ཀྱི་ངང་།། ཐམས་ཅད་བསྐྱེད་པས་ཡུམ་གྱི
118b5 དབྱིངས།། བརྗོད་པ་མེད་པའི་ཤེས་རབ་ལ།། དམིགས་པ་མེད་པའི་ཏིང་འཛིན་གསལ།། ཀུན་གཞི་ཡུམ་གྱི་ཤེས་རབ་ལ།། རང་བྱུང་ཐབས་ཀྱི་ཡེ་ཤེས་ཤར།། འདུས་མ་བྱས་པའི་ཀློང་དཀྱིལ་ནས།། སེམས་ཀྱི་རྒྱལ
118b6 པོ་ཡེ་ཤེས་འཕྲོ།། སྐྱེ་འགག་མེད་པའི་ཀློང་དཀྱིལ་ནས།། ཤེས་རབ་མིག་གཅིག་གསལ་བ་ནི།། ཡོངས་ལ་དབང་བསྒྱུར་རྒྱལ་པོ་སྟེ།། ཐམས་ཅད་རོལ་པའི་དབང་ཕྱུག་སྟེ།། མ་འགགས་པས་ཀྱང་ཡེ་ཤེས
iiif viewer powered by OpenSeadragon
