| e-texts navigator |
| Wylie |
118a1 ཆེ་བ་སྟེ།། ཐབས་མཁས་ཡོན་ཏན་ཀུན་ལྡན་པས།། སངས་རྒྱས་ཀུན་གྱི་བླ་མར་བསྔགས།། རྣལ་འབྱོར་ཆེན་པོའི་སྤྱོད་པ་དེའོ།། འཕགས་པའི་འཕགས་པ་ཐབས་ལ་གནས།། རྒྱལ་བའི་རྒྱལ་བ་ཐབས
118a2 ལས་བྱང་།། ང་ཉིད་ཐབས་ཀྱི་རྒྱལ་པོ་ལ།། འཁོར་བའི་རྟོག་པ་ཀུན་བྲལ་བས།། རྫོགས་སངས་རྒྱས་ཀྱི་ཐབས་ལ་བསྔགས།། ཐབས་དང་བྲལ་བའི་སྙིང་རྗེ་ནི།། སྐྱེས་ཀྱང་ངལ་བ་དོན་མེད་ལ།། འདི་དག་ཐབས་ཀྱི
118a3 མཆོག་ཤེས་ན།། གང་དག་སྤྱོད་པ་བླ་ན་མེད།། སངས་རྒྱས་བྱང་ཆུབ་གདོན་མི་ཟ།། ཐབས་ལས་ཐབས་བྱུང་ཐབས་རེ་ཆེ།། ཐབས་ཀྱིས་ཐབས་འདུལ་ཐབས་བསམ་ཡས།། རྟོག་པས་སངས་རྒྱས་ཐབས་སུ
118a4 གསལ།། ཐབས་ཀྱི་ཏིང་འཛིན་བསྒོམ་པ་ན།། ངན་སོང་འཁོར་བ་ཐབས་ཀྱི་ཞིང་།། ཉོན་མོངས་དུག་ལྔ་ཐབས་ཀྱི་ལམ།། ཐབས་ཆེན་པོ་ཡི་མཛད་སྤྱོད་ཀྱིས།། ཐམས་ཅད་མ་ལུས་སངས་རྒྱས་ལ།། ཐར་པ་ཆེན་པོར
118a5 ང་ཡིས་སྨྲས།། མུན་པས་འཐིབས་པའི་སེམས་ཅན་ལ།། ཐབས་ཀྱི་སྒྲོན་མེ་འདི་བཏེགས་པས།། ཀུན་གྱིས་གོ་ཞིང་བསམ་པར་ཤོག། ང་ནི་རང་བཞིན་མེད་པ་སྟེ།། སྤྲོས་པ་འཛིན་པའི་ཐོ་བརྡལ་བས།། མཚན་མར
118a6 འཛིན་པ་ང་ཡིས་སྨྲས།། སེམས་ཉིད་ཀུན་ཏུ་བཟང་པོ་ལ།། ཕྱོགས་དང་རིས་སུ་སྣང་བ་དང་།། ང་དང་བདག་ཏུ་རྟོག་པ་ནི།། འཁྲུལ་པ་ཡིན་ཏེ་ངན་པའི་རྒྱུ།། བདག་གི་སེམས་ཉིད་བཟང་པོ་ལ།། སངས་རྒྱས་ཐོག།
iiif viewer powered by OpenSeadragon
