| e-texts navigator |
| Wylie |
117b1 མཐོ་རིས་ཆེ་བ་ཡིན།། ཐམས་ཅད་རྟོགས་པས་ལོངས་སྤྱོད་པ།། འདི་ཡང་མཐོ་རིས་ཆེ་བའོ།། གཞན་ཡང་མཐོ་རིས་ཆེ་བ་ནི།། ཅི་ལྟར་གནས་པ་དེ་ལྟར་རྟོགས།། གང་ལྟར་ཡིན་པ་དེར་ཤེས་ཤིང་།། ཀུན་ཀྱང་འབྲས
117b2 བུར་དོན་རྟོགས་པས།། མཐོ་རིས་དམ་པ་བླ་ན་མེད།། མྱ་ངན་འདས་པ་ཆེ་བ་ནི།། ཆོས་ཉིད་ཕྱོགས་བཅུར་གདལ་བ་དང་།། རིག་པ་མཐའ་དབུས་མེད་པ་དང་།། ཀུན་གཞི་བཟང་ངན་མེད་པ་དང་།། ཕྱི་ནང་བཟང
117b3 ངན་མེད་པ་དང་།། ཡེ་ཤེས་སྤང་ལེན་མེད་པ་ཡིས།། མྱ་ངན་འདས་ལ་སོགས་པས་འགྲུབ།། མ་གཡོས་པ་ལ་རིག་པ་ཤར།། སངས་རྒྱས་སེམས་སུ་མྱ་ངན་འདས།། ཡུལ་ནི་ཆོས་སུ་མྱ་ངན་འདས།། རྟོགས་པ་ཡེ་ཤེས
117b4 མྱ་ངན་འདས།། སྣོད་བཅུད་སྐུ་རུ་མྱ་ངན་འདས།། སེམས་ཅན་གཅིག་པར་མྱ་ངན་འདས།། དོན་དམ་བདེན་པར་མྱ་ངན་འདས།། མྱ་ངན་འདས་པའི་དོན་རྟོགས་ན།། འཁོར་བ་ངན་སོང་མིང་ཡང་མེད།། མཐོ་རིས
117b5 དང་མྱ་ངན་ལས་འདས་པ་ཡེ་ནས་ཆེ་བའི་ལེའུ་སྟེ་དགུ་པའོ།། །། དེ་ནས་ཐབས་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ།། ཐབས་ཀྱི་རྒྱལ་པོར་བདག་གནས་པས།། ཐམས་ཅད་མ་གྲུབ་གང་ཡང་མེད།། ཐབས
117b6 ཆེན་མེད་པའི་སྔོན་རོལ་ན།། སངས་རྒྱས་བྱ་བ་ཡོད་མ་ཡིན།། འགྲོ་ལ་ཐབས་ཀྱི་རྒྱུད་ཡོད་པས།། ཐབས་མཁས་ཡེ་ནས་ཆེ་བ་ལ།། ཀུན་ཏུ་བཟང་པོའི་སྤྱོད་པ་ལ།། བྱེད་དང་སྤྱོད་པ་རྣམ་འཇིག་པ།། དེ་ཉིད་ཐབས་ཀྱི
iiif viewer powered by OpenSeadragon
