| e-texts navigator |
| Wylie |
117a1 རྟོགས་ཤིང་།། རང་བྱུང་ཡེ་ཤེས་མ་ཤར་ན།། དུག་ཏུ་མ་སོང་གང་ཡང་མེད།། དགྲར་ཡང་མི་གནོད་གང་ཡང་མེད།། བདེ་བ་ཆེན་པོའི་དོན་རྟོགས་ཤིང་།། བྱང་ཆུབ་སེམས་ཀྱི་སྒོ་ཕྱེ་ན།། འབྲས་བུ
117a2 མ་ཐོབ་གཅིག་ཀྱང་མེད།། ཆེ་བ་འདི་ལས་ཆེ་བ་མེད།། བརྟགས་ཤིང་བཤིག་ཅིང་རང་སེམས་བཟང་།། ཕྱིན་ཅིང་བཙལ་ཅིང་ཐོག་མ་ཉིད།། སུ་ཞིག་འཆད་ཅིང་སྟོན་འདོད་པ།། གང་ལའང་མ་འཆད་གང་ལ
117a3 ཞོག། གང་ལའང་མ་རྟོགས་བདག་ལ་དགོས།། འབྲས་བུ་དམ་པ་འདི་ལ་ཡོད།། སེམས་ལ་ཐོག་ཏུ་མ་ཕེབས་ཤིང་།། ཡིད་ལ་གསལ་བར་མ་རྟོགས་ན།། ཁ་བཤད་མང་པོས་དོན་མི་འགྲུབ།། དུས་གསུམ་སངས
117a4 རྒྱས་ཐམས་ཅད་ལས།། འཁོར་བ་ངན་སོང་བསྔགས་པར་གྱིས།། དུས་གསུམ་སངས་རྒྱས་དེ་ན་ཡོད།། ཐར་པ་ཆེན་པོའི་སྒོ་འབྱེད་ཅིང་།། ཕྱོགས་བཅུའི་སངས་རྒྱས་གསན་དུ་གསོལ།། རྒྱུ་ནི་མ་བཅོས་ཉིད་དུ
117a5 བཞག། འབྲས་བུ་རང་བཞིན་མེད་པར་བླང་།། དོན་དུ་ཐིག་ལེ་ཆེན་པོར་བསྟན།། འདི་ལ་འགལ་བ་ཡོད་མ་ཡིན།། འཁོར་བ་དང་ངན་སོང་ཡེ་ནས་ཆེ་བའི་ལེའུ་སྟེ་བརྒྱད་པའོ།། །། དེ་ནས་མཐོ་རིས་དང་མྱ་ངན
117a6 ལས་འདས་པ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ།། ཐར་པ་ཐོབ་པའི་ཐེམ་སྐས་དང་།། མྱ་ངན་འདས་པའི་ཆོས་ཉིད་རྣམས།། ཡང་དག་ཆེ་བར་བསྟན་པ་ནི།། རྣམ་ཤེས་དབང་པོ་གསལ་བར་སྣང་།། འདི་ཡང
iiif viewer powered by OpenSeadragon
