| e-texts navigator |
| Wylie |
116b1 ངན་སོང་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ།། འཁོར་བ་མེད་པའི་སྔོན་རོལ་ན།། སངས་རྒྱས་བྱ་བ་ཡོད་པ་མིན།། ངན་སོང་མེད་པའི་སྔོན་རོལ་ན།། དེ་བཞིན་གཤེགས་པ་ཡང་མི་བཞུགས།། སངས་རྒྱས་ཡང
116b2 དག་བསྟན་པ་ནི།། འཁོར་བ་ངན་སོང་ནང་ན་ཡོད།། སངས་རྒྱས་མིང་དུ་བཏགས་པ་ཡང་།། འཁོར་བ་འདི་ལ་བཏགས་པ་ལས།། གཞན་དུ་སངས་རྒྱས་ཡོད་མ་ཡིན།། ཕུང་པོ་ཁམས་དང་སྐྱེ་མཆེད་དང་།། ཁམས
116b3 གསུམ་འཁོར་བ་མ་ཡིན་པ།། གཞན་དུ་སངས་རྒྱས་གང་ལ་བསྒོམས།། ལུས་ངག་ཡིད་གསུམ་མ་ཡིན་པ།། སྐུ་གསུང་ཐུགས་གསུམ་གང་ནས་འབྱུང་།། དེ་དག་འབྱུང་བར་ངས་མ་བསྟན།། ངན་སོང་འདི་དག་སུས
116b4 ཤེས་པ།། སྤྱོད་དང་རྣམ་དག་སེམས་ལ་ཕྱེ།། རྣལ་འབྱོར་གང་ཞིག་འདི་འདྲར་བྱེད།། ངན་སོང་འཁོར་བར་མི་ཉན་པར།། ངན་སོང་འཁོར་བར་ལིང་བོར་ནས།། དེ་དག་སྤངས་པའི་ཕ་རོལ་ན།། མཉན་ཞིང་རྟོག་པའི
116b5 སངས་རྒྱས་དང་།། བདེ་ཞིང་སྐྱིད་པའི་སངས་རྒྱས་དང་།། ལོགས་ལས་བདག་གིས་ཐོབ་འདོད་པས།། ཐར་དུ་རེ་སྟེ་མི་ཐར་རོ།། འགྲུབ་པར་རེ་སྟེ་མི་འགྲུབ་བོ།། འཁོར་བ་ཡོངས་སུ་ཤེས་པ་ན།། མྱ་ངན་འདས་ཞེས
116b6 དེ་ལ་བྱ།། ངན་སོང་ཡོངས་སུ་ཤེས་པ་ན།། ཐར་པ་ཐོབ་ཅེས་དེ་ལ་བྱ།། མ་དག་མེད་པའི་དོན་རྟོགས་ན།། སངས་རྒྱས་ངས་ཀྱང་འཁོར་བ་བསྔགས།། བསྔགས་སུའང་མེད་དེ་དེ་ཉིད་ཡིན། དོན་དམ་བདེན་པ་མི
iiif viewer powered by OpenSeadragon
