| e-texts navigator |
| Wylie |
115b1 གཉིས་མེད་ལ།། སྐྱོན་ཉིད་དག་པར་མ་རྟོགས་ན།། ཡོན་ཏན་དག་པ་གང་ནས་སྐྱེས།། སྐྱོན་ཉིད་ཡོན་ཏན་ཡིན་ཤེས་ན།། སྤང་ཞིང་བཙལ་བར་བྱ་བ་མེད།། སྐྱོན་རྣམས་སྤངས་པའི་ཕ་རོལ་ན།། སངས་རྒྱས་བྱ་བའི
115b2 མིང་ཡང་མེད།། དུས་གསུམ་སངས་རྒྱས་སྐྱོན་ལས་བྱུང་།། རྡོ་རྗེ་སེམས་དཔའ་སྐྱོན་གྱི་བུ།། སྐྱོན་ཉིད་སངས་རྒྱས་ཡིན་ཤེས་ན།། སངས་རྒྱས་མིན་པ་གཅིག་ཀྱང་མེད།། ཡོན་ཏན་ཉིད་ཀྱང་སྐྱོན་ཡིན་ན།། སྤང་བར་བྱ།
115b3 བ་གང་ཡང་མེད།། ཅི་སྣང་སངས་རྒྱས་མཛད་སྤྱོད་ལ།། དེ་ལ་སྨད་པ་ཅི་སྟེ་བྱེད།། བདུད་ཉིད་སངས་རྒྱས་ཡིན་ཤེས་ན།། དེ་ལ་ཟློག་པའི་རྫས་ཅི་ཡོད།། མ་རིག་པ་ཡང་བྱང་ཆུབ་སེམས་ཡིན་པས།། མ་རིག་པ་ཡང
115b4 དག་པའོ།། རྨོངས་པ་ཐམས་ཅད་ཀྱང་ཆུབ་ཀྱི་སེམས་ཡིན་པས་རྨོངས་པ་ཡང་དག་པའོ།། འཁྲུལ་པ་ཐམས་ཅད་ཀྱང་སེམས་ཡིན་པས་འཁྲུལ་པ་ཡང་དག་པའོ།། བསླད་པ་ཐམས་ཅད་ཀྱང་བྱང་ཆུབ་ཀྱི་སེམས
115b5 སོ།། སངས་རྒྱས་ཀྱང་བྱང་ཆུབ་ཀྱི་སེམས་སོ།། སེམས་ཅན་ཡང་བྱང་ཆུབ་ཀྱི་སེམས་སོ།། མཐོ་རིས་དང་མྱ་ངན་ལས་འདས་པ་ཡང་བྱང་ཆུབ་ཀྱི་སེམས་སོ།། སྐྱོན་དང་ཡོན་ཏན་མེད་པའི་སྔོན་རོལ་ན། སངས་རྒྱས་བྱ
115b6 བའི་མིང་ཡང་མེད། མ་རིག་པ་མ་རིག་པ་ཡིན་པར་ཤེས་ན། རིག་པ་གང་ལས་བཙལ། མ་དག་པ་ཉིད་ཡང་དག་པར་ཡིན་པར་ཤེས་ན། དག་པ་གང་ལས་བཙལ། ཉེས་པ་ཉིད་ལེགས་པར་ཤེས་ན། ལེགས་པ་གང
iiif viewer powered by OpenSeadragon
