| e-texts navigator |
| Wylie |
114b1 རྒྱས་ཐུགས་ངན་སངས།། དེ་ཚེ་ལས་ཆུད་མ་ཟོས་ན།། བདག་སེམས་ངལ་ཚི་མ་ཆད་དོ།། སྐུ་ཡེ་ནས་ཆེ་བའི་ལེའུ་སྟེ་ལྔ་པའོ།། །། དེ་ནས་སྐུ་གསུང་ཐུགས་ཡོན་ཏན་ཕྲིན་ལས་ཡེ་ནས་ཆེ་བ་འདི་སྐད་ཅེས་བཀའ
114b2 སྩལ་ཏོ།། ཀྱེ་སྟོང་གསུམ་སྟོང་གི་འཇིག་རྟེན་ན།། སྐུ་ཡི་དཀྱིལ་འཁོར་བསམ་ཡས་ཀྱང་།། ཧེ་རུ་ཀ་ནི་སྐུ་ཡི་མཆོག། དེ་ཡང་སྐལ་ལྡན་ང་ཡི་སྐུ།། སྟོང་གསུམ་སྟོང་གི་འཇིག་རྟེན་ན།། གསུང་གི་སྤྲུལ་པ་བསམ་ཡས
114b3 ཀྱང་།། ཡི་གེ་འབྲུ་བརྒྱ་གསུང་གི་མཆོག། དེ་ཡང་སྐལ་ལྡན་ང་ཡི་གསུང་།། སྟོང་གསུམ་སྟོང་གི་འཇིག་རྟེན་ན།། ཐུགས་ཀྱི་དཀྱིལ་འཁོར་བསམ་ཡས་ཀྱང་།། ཡེ་ཤེས་སེམས་དཔའི་ཐུགས་ཀྱི་མཆོག། དེ་ཡང་སྐལ
114b4 ལྡན་ང་ཡི་ཐུགས།། སྟོང་གསུམ་སྟོང་གི་འཇིག་རྟེན་ན།། ཡོན་ཏན་དཀྱིལ་འཁོར་བསམ་ཡས་ཀྱང་།། རིན་ཆེན་ཟུར་བརྒྱད་ཡོན་ཏན་མཆོག། དེ་ཡང་སྐལ་ལྡན་ང་ཡི་ཡོན་ཏན་ཡིན།། སྟོང་གསུམ་སྟོང་གི་འཇིག་རྟེན
114b5 ན།། ཕྲིན་ལས་རྣམ་བཞི་བསམ་ཡས་ཀྱང་།། རྣམ་བཞིའི་རྟ་མགོ་ཕྲིན་ལས་མཆོག། དེ་ཡང་སྐལ་ལྡན་ང་ཡི་ལས།། གཞན་ཡང་སྐུ་གསུང་ཐུགས་ཡོན་ལས།། དེ་དག་ཀྱང་ནི་སེམས་ཡིན་ཏེ།། སྐུ་ཡི་དཀྱིལ་འཁོར
114b6 བསམ་ཡས་ཀྱང་།། ཆོས་ཉིད་བྱང་ཆུབ་སེམས་ལ་ཡོད།། གསུང་གི་དཀྱིལ་འཁོར་ཡང་དག་པ།། ཆོས་ཉིད་བྱང་ཆུབ་སེམས་ལ་ཡོད།། ཐུགས་ཀྱི་དཀྱིལ་འཁོར་ཡང་དག་པ།། ཆོས་ཉིད་བྱང་ཆུབ་སེམས་ལ
iiif viewer powered by OpenSeadragon
