| e-texts navigator |
| Wylie |
114a1 ཀྱི་དྲི་མ་མཐར་ཕྱིན་པའི།། རིག་པ་བློ་ཡི་བརྟུལ་ཞུགས་ཀྱིས།། སྟོང་གསུམ་སྐུ་ཡི་དབང་དུ་འདུས།། དབང་དུ་མ་གྱུར་གང་ཡང་མེད།། མི་གཡོ་བྱང་ཆུབ་མཆོག་གི་རྒྱ།། རྣམ་པར་སྣང་མཛད་ང་ཡི
114a2 ལུས།། ཟླ་བ་དྲི་མེད་དག་པ་ཡིས།། སྟོང་གསུམ་ཀུན་སྣང་ཁྱབ་པའི་དབྱིངས།། ཡབ་ལ་ཐུག་པ་མེད་བཞིན་དུ།། ཤེས་རབ་ཐབས་ལ་དེ་བཞིན་སྣང་།། མན་ངག་རྒྱ་མཚོ་ཆེན་པོ་འདི།། ཡོངས་ལ་བསྟན་པའི་ཤེས་རབ
114a3 སྟེ།། ཆོས་སྐུ་བདག་པོས་ཀུན་བཅོམ་སྟེ།། དཀྱིལ་འཁོར་འཕྲོ་འདུ་ཉོན་རེ་མོངས།། ཡོངས་ལ་ཤར་བའི་དོན་འབྱུང་ན།། རྟོག་པ་ཀློང་བསྒོམ་སྙིང་རེ་རྗེ།། མཁའ་ལྟར་མཉམ་པ་ཉིད་ལ་གནས།། རང་སེམས་མེད་པའི
114a4 སྔོན་རོལ་ན།། སངས་རྒྱས་བྱ་བ་རྟོགས་པ་ཡིན།། ཀུན་ཏུ་བཟང་པོ་བདག་ལ་འདྲི།། སངས་རྒྱས་བསྟན་པ་བདག་ལ་མཛད།། བྱང་ཆུབ་དམ་པ་འདིར་བསྟན་པས།། གདོད་ཅིག་འཁོར་བ་བསྐྱང་དུ་མེད།། འཛིན་རྟོག
114a5 ཉོན་མོངས་བྲེང་ཟག་བཅད།། མ་རིག་རྨོངས་པ་སྨོས་ཅི་དགོས།། མན་ངག་རྒྱལ་པོ་འདི་བསྟན་པས།། ལྟ་བ་ངན་པའི་མིང་ཡང་མེད།། ཐམས་ཅད་ཀུན་ཏུ་བདག་ཡིན་པས།། སྐུ་ཡི་རྒྱལ་པོ་དངོས་གྲུབ
114a6 འབྱིན།། མཐའ་དབུས་ཆེ་ཆུང་མེད་པར་ཐོབ།། གཟོད་ཅིག་སྔོན་གྱི་སངས་རྒྱས་ཡིན།། ཆོས་རྣམས་ཐམས་ཅད་ཁོང་ནས་ཤར།། འཕགས་པའི་འཕགས་པས་འཕགས་པར་བསྔགས།། ཕྱོགས་བཅུའི་སངས
iiif viewer powered by OpenSeadragon
