| e-texts navigator |
| Wylie |
113b1 རྒྱ་ཆུང་།། ངེས་པ་གཅིག་པུའི་ཚིག་འདི་ཉོན།། ཡེ་ཤེས་ཡེ་ནས་ཆེ་བའི་ལེའུ་སྟེ་བཞི་པའོ།། །། དེ་ནས་སྐུ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ།། རང་བཞིན་སྤྲོས་པ་མེད་པ་ལ།། གཡོས་པ་མེད་པའི་ཡེ
113b2 ཤེས་བཞག། གཉིས་སུ་མེད་པའི་ཐབས་ཤེས་པས།། དེ་ནི་ཆོས་སྐུ་དང་པོའོ།། ཐམས་ཅད་འདུས་མ་བྱས་པའི་ངང་།། མི་འགྱུར་མི་ཤིགས་རྡོ་རྗེ་སྟེ།། གཉེན་པོ་ཅིས་ཀྱང་མི་ཚུགས་པའི།། ཐམས་ཅད་ཀུན་ལྡན་ཡེ
113b3 ཤེས་སྐུ།། རྡོ་རྗེའི་སྐུ་སྟེ་གཉིས་པའོ།། རིག་པ་རང་སྣང་དངོས་མེད་སྣང་།། ཉེས་པ་གང་གིས་མི་ཚུགས་པའི།། ལེགས་པའི་ཡེ་ཤེས་རང་སྣང་བའི།། མངོན་པར་བྱང་ཆུབ་སྐུར་བསྟན་པའོ།། གཉིས་མེད་ཆོས་ལ
113b4 ལོངས་སྤྱོད་པའི།། མ་སྤངས་ཡེ་ཤེས་ལོངས་སྤྱོད་རྒྱན།། ཐམས་ཅད་ཆེ་བའི་རོལ་པ་ལ།། ལོངས་སྤྱོད་རྫོགས་སྐུ་མཐར་ཕྱིན་པའོ།། གཉིས་མེད་ཡེ་ཤེས་སེམས་ཀྱི་སྤྲུལ་པ་ལ།། ཡོངས་སུ་མ་ཁྱབ་གཅིག་ཀྱང
113b5 མེད།། དོན་དམ་ཐབས་ཀྱིས་སྤྲུལ་པ་འཆར།། སྤྲུལ་པའི་སྐུ་སྟེ་ཀུན་ཁྱབ་པའོ།། སྐུ་ཡི་སྐུ་སྟེ་ཀུན་འགྲུབ་པའོ།། སྐུ་ཡི་བདག་ཉིད་སྐྱེ་ཤི་མེད།། རོལ་པ་སངས་རྒྱས་ཉིད་ཀྱིས་བརྒྱན།། སྟོང་གསུམ་སྟོང་གི་འཇིག་རྟེན
113b6 ན།། འཕོ་འགྱུར་མེད་པ་སྐུ་ཡི་མཆོག། སྟོང་གསུམ་སྟོང་གི་འཇིག་རྟེན་ན།། རང་བཞིན་མེད་པ་སྐུ་ཡི་མཆོག། སྟོང་གསུམ་སྟོང་གི་འཇིག་རྟེན་ན།། རྟག་ཆད་མེད་པ་སྐུ་ཡི་མཆོག། སྐུ་མཆོག་དྲི་མ་མེད་པ་ལ།། སེམས
iiif viewer powered by OpenSeadragon
