| e-texts navigator |
| Wylie |
113a1 སྟེ་བཙལ་བས་འགྲུབ་གྱུར་ན།། རང་བྱུང་ཡེ་ཤེས་ཡོངས་མི་བདེན།། རང་བྱུང་ཡེ་ཤེས་བསྒོམས་པས་མིན།། ཅི་སྟེ་བསྒོམས་པས་ཡིན་འགྱུར་ན།། རིག་པའི་ཡེ་ཤེས་ཡོངས་མི་བདེན།། རིག་པའི་ཡེ
113a2 ཤེས་ནང་ཤར་ན།། བཙལ་བ་མེད་པར་ལྷུན་གྱིས་གྲུབ།། རང་བྱུང་ཡེ་ཤེས་དོན་རྟོགས་ན།། བསྒྲུབ་པ་མེད་པར་ཡོངས་སུ་འགྲུབ།། བདག་ཉིད་ཡེ་ཤེས་དོན་རྟོགས་ན།། ཆོས་རྣམས་ཐམས་ཅད་བདག་ལ
113a3 གསལ།། ཡངས་སོ་བདེའོ་ཡེ་ཤེས་མཆོག། གསལ་ཞིང་དག་ལ་དྲི་མ་མེད།། གཉིས་སུ་མེད་པས་རྟོག་པ་སྤང་།། སངས་རྒྱས་སེམས་ཅན་སོ་སོ་ནས།། ཡེ་ཤེས་ཆེན་པོས་ཡོངས་མ་ཟིན།། ཕྱོགས་བཅུའི་སངས
113a4 རྒྱས་ཐམས་ཅད་པས།། ཡེ་ཤེས་ཆེན་པོ་འདི་དག་སྤངས།། སངས་རྒྱས་ཐམས་ཅད་བསྐྱེད་པའི་ཡབ།། སངས་རྒྱས་སྲས་པོ་དམ་པ་སྟེ།། ཉག་གཅིག་ཡབ་ལས་མ་རྟོགས་པ།། གཉིས་སུ་སྣང་བ་བསྟན་པ
113a5 མིན།། མཉམ་པའི་དོན་དང་མི་ལྡན་ན།། མི་མཉམ་བསླབ་པའི་ཆོས་གཅིག་དགོས།། ཐེག་པའི་བྱེ་བྲག་བསམ་ཡས་ཀྱང་།། ཡེ་ཤེས་རྟོགས་ན་གཅིག་ལས་མེད། ཆོས་དབྱིངས་གཅིག་ལས་མེད་པ་ལ།། ཡེ་ཤེས
113a6 རྟོགས་པར་མ་བཞག་པས།། མང་པོར་འབྱེད་པ་སྙིང་རེ་རྗེ།། སོ་སོར་རྟོག་པ་ཉོན་རེ་མོངས།། ཕྱོགས་ཆར་འཛིན་པ་ཡོང་རེ་སྡུག། ལན་ཅིག་བྱེ་བྲག་ཕྱེད་པར་ཡང་།། ཡེ་ཤེས་མགོ་དྲང་བ་ཙམ།། དོན་ལ་འབྱེད་པ་བློ
iiif viewer powered by OpenSeadragon
