| e-texts navigator |
| Wylie |
112b1 ཆོ་འཕྲུལ་གྱིས།། མ་རིག་རྟག་པའི་ལིང་ཏོག་བསལ།། ང་དང་བདག་ཏུ་བྱེད་པ་བཅོམ།། ཕྱོགས་དང་རིས་སུ་བལྟ་བ་བསལ།། མཚན་མའི་འཛིན་རྟོག་གནས་པ་བཀྲོལ།། ཡང་གསང་ངེས་པའི་ལམ་དུ་བཞག། ཐར
112b2 པའི་ལམ་ཞེས་དེ་ལ་གསུངས།། གང་ཞིག་མ་སྐྱེས་དོན་འདོད་པས།། འབྱུང་བ་ཡེ་ནས་ཆེ་བའི་ཆེ་བ་འདི་ལས་བཙལ་བར་བྱ། འབྱུང་བ་ཡེ་ནས་ཆེ་བའི་ལེའུ་སྟེ་གསུམ་པའོ།། །། དེ་ནས་ཡེ་ཤེས་ཡེ་ནས་ཆེ་བ་འདི།
112b3 སྐད་ཅེས་བཀའ་སྩལ་ཏོ།། ཡེ་ཤེས་རྒྱལ་པོ་གང་འདོད་པས།། རང་གི་སེམས་ལས་བཙལ་བར་བྱ། ཆག་ཆད་མང་།། འགྲོ་ཀུན་བླ་མེད་བྱང་ཆུབ་ལ།། རྟོགས་པའི་རྒྱུད་ལ་རང་རིག་པས།། དེ་ནི་ཡེ་ཤེས་ཆེ་བའོ།། སྟོང
112b4 གསུམ་ཡེ་འབྱམས་དོན་ཤེས་ཤིང་།། གདལ་བ་ཆེན་པོར་ཕྱོགས་མེད་ན།། ཡེ་ཤེས་ཆེ་བའི་དམ་པ་སྟེ།། བཟང་ངན་མེད་པར་དོན་ཤེས་ན།། ཀུན་ཏུ་བཟང་པོར་དོན་ཤེས་ན།། ཆོས་ཉིད་ཡེ་ནས་མ་བཅོས་པའི།། དོན
112b5 དེ་ཤེས་ན་ཡེ་ཤེས་ཡིན།། ཡེ་ཤེས་དམ་པ་འཚོལ་འདོད་པས།། གང་ལའང་ཐེ་ཚོམ་མ་བསྐྱེད་པར།། རྟོགས་པའི་ཀློང་དུ་དོན་སྤྱོད་དང་།། རང་བྱུང་ཡེ་ཤེས་དེ་ལ་འཆང་།། མི་སྣང་ཡེ་ཤེས་དེ་ལ་ཕྱི་ནང་མེད།། ལྷུན
112b6 གྲུབ་ཡེ་ཤེས་ཕྱོགས་རིས་མེད།། སྟོང་པའི་ཡེ་ཤེས་དངོས་པོ་མེད།། མེ་ལོང་ཡེ་ཤེས་རྟོག་པ་མེད།། མཉམ་ཉིད་ཡེ་ཤེས་ཆེ་ཆུང་མེད།། སོ་སོར་རྟོགས་པས་མ་འདྲེས་གསལ།། བྱ་གྲུབ་ཡོན་ཏན་མཐར་ཕྱིན་མེད།། ཅི
iiif viewer powered by OpenSeadragon
