| e-texts navigator |
| Wylie |
112a1 ཡུམ།། དེ་ལ་བདག་རོལ་ཐབས་ཀྱི་ཡབ།། འབྱུང་བ་ཡེ་ནས་གནས་ཀྱི་ཆེ།། འབྱུང་བ་ཡེ་ནས་དག་པ་སྟེ།། འབྱུང་བའི་གནས་ནི་ནམ་མཁའ་ལ།། འབྱུང་བའི་རྒྱུ་ནི་ས་གཞིའོ།། འབྱུང་བའི་ལོངས་སྤྱོད
112a2 མེ་ཆུ་སྟེ།། འབྱུང་བའི་སྤྲུལ་པ་རླུང་ཡིན་ནོ།། འབྱུང་བའི་མཚན་ཉིད་རྟོག་པ་མེད།། འབྱུང་བའི་རང་བཞིན་འདུས་མ་བྱས།། འབྱུང་བའི་འབྲས་བུ་དམིགས་པ་མེད།། འབྱུང་བའི་ཡོན་ཏན་གོ་ཞིང་རྟོགས།། འབྱུང་བའི
112a3 དོན་ལ་བསྐུར་བ་མེད།། ཆོས་ཉིད་དང་ལས་ཀུན་འབྱུང་བས།། ཐམས་ཅད་འབྱུང་བས་འབྱུང་བ་ཆེ།། འབྱུང་བའི་རང་བཞིན་དངོས་མེད་པས།། དེས་ན་འབྱུང་བ་སྟོང་པའོ།། འབྱུང་བ་ཤེས་རབ་ཕ་རོལ་ཕྱིན།། འབྱུང
112a4 བ་ལྔ་ཡི་འཕྲོ་འདུ་ཡིས།། ཆོས་ཀྱི་དབྱིངས་ཀྱི་ཚེ་རོལ་བསྟན།། སྟོང་པའི་དོན་རྟོགས་འབྱུང་བ་ལ།། ངེས་པའི་རིག་པས་གསལ་བཏབ་ནས།། ཐབས་དང་ལྡན་པའི་བྱིན་རླབས་ཀྱིས།། འདི་དག་འབྱུང་བར་སྟོན་པར
112a5 ཟད།། དོན་ལ་དེ་ལྟར་བསྟན་པ་མེད།། རྟགས་པའི་ཆེ་བ་ཆེན་པོ་ལས།། མ་རྟོགས་འབྱུང་བའི་ལས་བྱེད་ན།། ཆེ་བའི་ཡེ་ཤེས་ཡོད་མ་ཡིན།། ཆེ་བའི་ཆེ་བར་བདག་སྣང་ན།། ཆེ་མཆོག་ཐབས་ཀྱི་རྒྱལ་པོར
112a6 སྣང་།། ཐམས་ཅད་འབྱུང་བ་ལྔ་ཡིས་བསྐྱེད།། འབྱུང་བ་ཆེན་པོའི་དོན་རྟོགས་ན།། ཐམས་ཅད་ཆེ་བའི་རྒྱལ་པོར་འགྲུབ།། ཆེ་བའི་རྫུ་འཕྲུལ་ཅིར་ཡང་སྟོན།། བདག་ཉིད་ཐབས་ཀྱི་བྱིན་རླབས་ལས།། འཕྲུལ་པ་ལྔ་ཡི
iiif viewer powered by OpenSeadragon
