| e-texts navigator |
| Wylie |
111b1 མེད།། འདི་འདྲའི་མཚན་ཉིད་གང་ཤེས་པ།། དེ་ནི་ཆོས་ཉིད་ཆེ་བ་སྟེ།། ཆོས་ཉིད་མེད་པའི་སྔོན་རོལ་ན།། སངས་རྒྱས་སེམས་ཅན་མིང་ཡང་མེད།། ཆོས་ཉིད་ཆེ་བའི་བྱིན་རླབས་ལས།། ཅི་ལྟར་སྣང་བ་དེ་ལྟར
111b2 སྣང་།། གང་ལྟར་སྣང་བ་དེ་ལྟར་ཡིན།། ཡང་དག་པར་ཡང་བཀའ་སྩལ་ཏོ།། དེ་དག་ལ་སོགས་ཆོས་རྣམས་ལ།། ཆོས་རྣམས་ལ་ཡང་ཆོས་སུ་མེད།། རང་བཞིན་ཆ་ཕྲ་གང་འཛིན་པ།། འཛིན་པ་དེ་ལ་ཆོས་མེད
111b3 དེ།། ཆོས་ཀྱི་འབྲས་བུ་དེ་ལ་མེད།། ཆོས་ཀྱི་འབྲས་བུ་གང་འཛིན་པ།། རིག་པའི་དོན་ནི་འདི་རྣམས་སོ།། སྔོན་དང་ཕྱི་མར་མ་གྱུར་ཞིང་།། ཕྱོགས་དང་རིས་སུ་མ་ཕྱེ་བས།། ཟིན་ཆགས་འཛིན་རྟོག་སྐྱོན་སྤངས་ན།། དེ
111b4 ནི་ཆོས་ཉིད་ཅེས་བྱའོ།། གཞན་ཡང་ཆོས་ཉིད་ཆེ་བ་ནི།། རྣལ་འབྱོར་གང་ཞིག་རྟོགས་འདོད་ན།། རྒྱ་ཆེ་ཤེས་རབ་ཕྱོགས་བརྡལ་ནས།། ཆོས་ཉིད་ཡེ་ནས་ཆེ་བའི་ལེའུ་འདི་ལས་བཙལ་བར་བྱའོ།། ཆོས་ཉིད་ཡེ་ནས་ཆེ
111b5 བའི་ལེའུ་སྟེ་གཉིས་པའོ།། །། དེ་ནས་འབྱུང་བ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ།། ནམ་མཁའ་ཡེ་ནས་ཆེ་བ་དང་།། མེ་ཆུ་ཡེ་ནས་ཆེ་བ་དང་།། རླུང་ས་ཡེ་ནས་ཆེ་བའོ།། འབྱུང་བ་མེད་པའི་སྔོན་རོལ
111b6 ན།། སངས་རྒྱས་སེམས་ཅན་མིང་ཡང་མེད།། འབྱུང་བ་ལྔ་ཡི་སངས་རྒྱས་ནི།། སངས་རྒྱས་ཀུན་གྱི་རྗེ་བཙུན་ཡིན།། འབྱུང་བ་ལྔ་པོ་མ་ཡི་དབྱིངས།། མ་ལས་སྐྱེས་པས་སངས་རྒྱས་སྲས།། འབྱུང་བ་ལྔ་པོ་རིགས་ཀྱི
iiif viewer powered by OpenSeadragon
