| e-texts navigator |
| Wylie |
110b1 དག་གསང་མཛོད་གསུམ་དུ་བསྟན།། འབྱུང་བའི་བླ་མ་བླ་མ་ཆེ།། ཐམས་ཅད་འབྱུང་བའི་སྟོན་པའི་མཆོག། སྣང་བ་ཀུན་ལ་རབ་གནས་པས།། དེ་ཉིད་ཐབས་ཀྱིས་ལོངས་སྤྱོད་དེ།། གང་ལའང་ཆགས་པའི་རྒྱུ་མེད
110b2 པ།། འཛིན་ཆགས་མེད་པའི་ཡེ་ཤེས་ལ།། ཐབས་ཀྱིས་འབྲེལ་པ་ཐུགས་རྗེས་སྐྱོང་།། ཆོས་རྣམས་ཐམས་ཅད་སེམས་ལས་བྱུང་།། སེམས་ཀྱི་བསྟན་པའི་ལུང་ལ་ཉོན།། ཕྱོགས་བཅུའི་སངས་རྒྱས་ང་ཡི་སེམས།། ཕྱི
110b3 ནང་སྣོད་བཅུད་ང་ཡི་སེམས།། ཕྱོགས་དང་སྣང་བ་ང་ཡི་སེམས།། ཕྱི་དང་ནང་ཡང་ང་ཡི་སེམས།། མཐོ་རིས་ངན་སོང་ང་ཡི་སེམས།། སེམས་ཀྱི་སངས་རྒྱས་ཀུན་བཟང་ལ།། སྤྲུལ་པ་ཕྱོགས་བཅུའི་སངས་རྒྱས
110b4 ཉོན།། ང་ལ་ངས་བསྟན་རྒྱུ་མེད་ན།། འཛིན་རྟོག་ཆོས་ནི་སུ་ཡི་ཆོས།། བདག་ལ་ཕྱོགས་དང་རིས་མེད་ན།། ཕྱི་དང་ནང་ནི་སུ་ཡི་ཆོས།། ང་ལ་རྒྱུ་འབྲས་ཡོངས་མེད་ན།། བཟང་དང་ངན་པ་སུ་ཡི་ཆོས།། བཅོས་པ་མེད
110b5 པའི་སེམས་ཉིད་ལ།། ཁ་དོག་ལྔ་པོ་གང་ནས་བྱུང་།། བཟང་ངན་ཆེ་ཆུང་སུ་ལས་བྱུང་།། ཚོར་བ་བདེ་སྡུག་གང་གིས་སྨྲས།། ཕྱོགས་རིས་ས་མཚམས་སུ་ལ་ཡོད།། འཁྲུལ་པའི་སེམས་དེ་ཡོང་རེ་འཁྲུལ།། རྨོངས་པའི་བློ
110b6 དེ་ཡོང་རེ་སྡུག། རྟོག་པའི་བློ་དེ་ཡོང་རེ་ཉེན།། ཅི་ལྟར་སྣང་བའི་ཆོས་རྣམས་ལ།། བདག་གི་སེམས་ཀྱིས་དབང་བསྒྱུར་ན།། བདག་པས་དྲག་པ་གང་ན་ཡོད།། སངས་རྒྱས་ཐམས་ཅད་སེམས་ཡིན་ན།། སེམས་ལས་ཆེ
iiif viewer powered by OpenSeadragon
