| e-texts navigator |
| Wylie |
110a1 པ་འདི་སྐད་ཅེས་བཀའ་སྩལ་ཏོ།། ཀུན་ཏུ་བཟང་པོ་ང་ཡི་སེམས།། རྒྱ་ཆེ་རོལ་པ་ཀུན་བརྟེན་པས།། གཏི་མུག་ཆེན་པོ་ང་ཡི་སེམས།། གཏི་མུག་གོང་ན་སངས་རྒྱས་མེད།། གཏི་མུག་ཆེན་པོའི་ཡེ་ཤེས
110a2 ཀྱིས།། བྱུང་ཚོར་རྟོག་པ་ཀུན་བྲལ་བས།། དམིགས་མེད་ཤེས་རབ་ཕ་རོལ་ཕྱིན།། ཆེ་བའི་རྒྱལ་པོ་གཏི་མུག་ཤར།། སངས་རྒྱས་རྗེ་བཙུན་དམ་པ་ཡིན།། འདོད་ཆགས་མེད་པའི་སྔོན་རོལ་ན།། སངས་རྒྱས་བྱ་བའི
110a3 མིང་ཡང་མེད།། འདོད་ཆགས་ཆེན་པོ་ང་ཡི་སེམས།། ཞེ་སྡང་མེད་པའི་སྔོན་རོལ་ན།། སངས་རྒྱས་བྱ་བའི་མིང་ཡང་མེད།། ཞེ་སྡང་ཆེན་པོ་ང་ཡི་སེམས།། ང་རྒྱལ་མེད་པའི་སྔོན་རོལ་ན།། སངས་རྒྱས་བྱ་བའི་མིང་ཡང
110a4 མེད།། ང་རྒྱལ་ཆེན་པོ་ང་ཡི་སེམས།། ཕྲག་དོག་མེད་པའི་སྔོན་རོལ་ན།། སངས་རྒྱས་བྱ་བའི་མིང་ཡང་མེད།། ཕྲག་དོག་ཆེན་པོ་ང་ཡི་སེམས།། ཉོན་མོངས་ལྔ་ལས་བྱུང་བ་ལས།། གཞན་ནས་སངས་རྒྱས་ཡོངས་མེད
110a5 ས།། སེམས་ཀྱི་རྒྱལ་པོ་དུག་ལྔ་ལ།། ཀུན་བཟང་ཡེ་ཤེས་རྒྱལ་པོར་སྤྱོད།། ཐབས་ཀྱི་འབྲས་བུར་སེམས་ཆེ་བས།། རྒྱལ་བས་ཐབས་སུ་སེམས་སུ་བསྔགས།། ང་མེད་བདག་དང་བྲལ་བ་ཡིས།། ཀུན་གཞི་སེམས་ཀྱི
110a6 རྒྱལ་པོ་ལ།། ཐར་པའི་འབྲས་བུའི་དོན་འཆར་བས།། འཕགས་ལམ་ངེས་པར་སངས་རྒྱས་ཏེ།། བདག་ཉིད་ཆེན་པོ་རྒྱལ་བའི་བཀའ།། མི་དམིགས་པ་ལ་དམིགས་པ་མེད།། དམིགས་མེད་སེམས་ཀྱི་ངེས་པ་ལ།། ཡང
iiif viewer powered by OpenSeadragon
