| e-texts navigator |
| Wylie |
10a1 བསྐུལ་བ་ཐུགས་སུ་ཆུད་ནས། འཁོར་མང་པོ་རྣམས་སྣོད་དུ་རུང་བར་བྱིན་གྱིས་བརླབ་པར་མཛད་ནས་སྟོན་པའི་ཞལ་དུ་བལྟས་ནས་གནས་སོ།། དེ་ནས་བཅོམ་ལྡན་འདས་གསང་བ་མཆོག་གི་བདག
10a2 པོ་དེས། དེ་ཁོ་ན་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་ཏེ། འདི་སྐད་ཅེས་བཀའ་སྩལ་ཏོ།། རྡོ་རྗེ་ཡིད་ཀུན་ཏུ་བཟང་པོ་ལ་སྩོགས་པ་འདུས་པའི་འཁོར་རྣམས་ཉོན་ཅིག། བྱང་ཆུབ་སེམས་ཞེས་བྱ་བ་ནི།། བརྗོད
10a3 དང་སྒྲ་བསམ་ཡུལ་ལས་འདས།། དོན་དམ་ཀུན་རྫོབ་ཐ་མི་དད།། རང་གི་ལུས་ངག་ཡིད་རྡོ་རྗེ།། གཅིག་གིས་གཉིས་ཀྱིའང་ལས་བྱེད་པ།། ལུས་དང་ངག་ཡིད་མ་གྲུབ་པ།། རིག་པའི་སྐྱེས་བུ་དེ་ཡིས་ནི།། བྱང་ཆུབ
10a4 མཆོག་ཏུ་སེམས་བསྐྱེད་ཡིན།། ཞེས་གསུངས་སོ།། དེ་ནས་འཁོར་འདུས་པ་རྣམས་ལ་རང་རང་གི་ལུས་ངག་ཡིད་གསུམ་ལ་སེམས་ནས་འཁོད་དོ།། དེ་ནས་རྡོ་རྗེ་ཡིད་ཀུན་ཏུ་བཟང་པོས་གསོལ་བ་བཏབ་པ།། ཨེ་མ
10a5 བདེ་གཤེགས་བཅོམ་ལྡན་འདས།། སངས་རྒྱས་ཀུན་གྱི་བྱང་ཆུབ་སེམས།། རྟོགས་པར་དཀའ་བའི་སྙིང་པོའི་དོན།། རབ་ཏུ་མི་རྟོག་གནས་མེད་པའོ།། ཞེས་གསུངས་སོ།། དེ་ནས་བཅོམ་ལྡན་འདས་རྡོ་རྗེ་མི་བསྐྱོད
10a6 པས་བྱང་ཆུབ་ཀྱི་སེམས་འདི་གསུངས་སོ།། ཨེ་མའོ་གཟུང་འཛིན་རྣམ་སྤངས་པ།། ཚིག་དང་ཡི་གེའི་སྤྱོད་ཡུལ་མིན།། ཆོས་བདག་མེད་པའི་མཉམ་པ་ཉིད།། རང་སེམས་གཟོད་ནས་མ་སྐྱེས་པའོ།། ཞེས་གསུངས
iiif viewer powered by OpenSeadragon
