| e-texts navigator |
| Wylie |
109a1 མེད།། མཐའ་དབུས་མེད་པའི་ཀློང་གདལ་བས།། ཆོས་ཉིད་ཀུན་ཏུ་བཟང་པོ་ལ།། མཉམ་པའི་ཀློང་ལས་འགྱུར་བ་མེད།། འཐབ་རྩོད་མ་སྐྱེས་ཕྱལ་པ་ཡིན།། ཆགས་པའི་བདེ་དང་ཉོན་མོངས
109a2 དགྲ། གཉིས་སུ་མེད་དེ་རང་གི་སེམས།། སེམས་ཀྱིས་སེམས་ལ་དགྲ་མེད་ན།། བདག་ཉིད་སངས་རྒྱས་གཅིག་པུར་སྤྱོད།། ཕན་པའི་ལྷ་དང་བར་ཆད་བདུད།། གཉིས་སུ་མེད་པའི་རྟོག་ལས་འདས།། རིས་སུ་བཙལ
109a3 ཡང་མི་རྙེད་པས།། ལྷུན་གྱིས་གྲུབ་པའི་དམ་ཚིག་ཡིན།། ཀུན་ཏུ་བཟང་པོ་བྱང་ཆུབ་སེམས།། མི་འགྱུར་གདལ་བ་མེད་པས་ན།། མ་ཡེངས་ཕྱོགས་རིས་མེད་བསྲུངས་པ། དམ་ཚིག་ཀུན་ཏུ་བཟང་པོ་ཡིན།། དེ་ནས
109a4 རང་བཞིན་ཀུན་ཏུ་བཟང་པོ་འདི་གསུངས་སོ།། སེམས་ཀྱི་ཆོས་ཉིད་རང་བཞིན་ལས།། མ་སྐྱེས་ཡེ་ནས་སངས་རྒྱས་ཏེ།། ཀུན་ལ་གདལ་ཞིང་སྣང་བ་འདི།། རྒྱལ་འགྲོས་མཛད་ཅིང་བཅོས་མ་ཡིན།། བཟང་དང་ངན
109a5 པ་ཐམས་ཅད་དང་།། གཙང་སྨེ་ཆེ་ཆུང་ལ་སོགས་པ།། རང་བཞིན་དབྱེར་མེད་བྱང་ཆུབ་སེམས།། མཁས་པས་བཅོས་ཤིང་བཙལ་དུ་མེད།། སྐྱོན་དང་ཡོན་ཏན་དུག་དང་རྩི།། འཛིན་རྟོག་བྱིས་པའི་སྤྱོད་འདྲ་ལ།།
109a6 བཞིན་ཡོངས་ཀྱིས་དངོས་པོ་མེད།། འདྲེན་བཞིན་ཆོས་རྣམས་རང་བཞིན་གནས།། ཀུན་གཞི་ཀུན་ཏུ་བཟང་པོ་ལ།། རྒྱུ་འབྲས་བདེ་སྡུག་བཙལ་མི་རྙེད།། བཟང་ངན་ཆེ་ཆུང་གཙང་སྨེ་མེད།། རང་བཞིན་ཀུན་ཏུ་བཟང
iiif viewer powered by OpenSeadragon
