| e-texts navigator |
| Wylie |
108b1 གསལ།། མ་སྤྱད་ན་ཡང་ཉེས་མེད་རྫོགས།། ཡོད་མེད་རྟག་ཆད་ཐམས་ཅད་ནི།། མ་སྐྱེས་རང་བཞིན་ངང་ལས་མེད།། བདེ་དང་སྡུག་བསྔལ་གཉིས་འཛིན་པ།། ཐ་དད་མེད་དེ་བྱང་ཆུབ་སེམས།། མྱ་ངན་འདས་དང
108b2 འཁོར་བའི་ཆོས།། སྐྱོན་དང་ཡོན་ཏན་ཐམས་ཅད་ལ།། བཅིངས་གྲོལ་མེད་པར་གང་སྤྱོད་པ།། སྤྱོད་པ་ཀུན་ཏུ་བཟང་པོའོ།། དེ་ནས་ཕྲིན་ལས་ཀུན་ཏུ་བཟང་པོ་གསུངས་པ།། ཀུན་རྫོབ་དངོས་པོར་སྣང་བ་ཡི།། སྣོད
108b3 བཅུད་རྫས་སུ་སྣང་བ་ཀུན།། ཆོས་ཉིད་མ་སྐྱེས་རང་བཞིན་ལ།། མིང་དང་ཚིག་ཏུ་བཏགས་པས་འགལ།། ཅིར་སྣང་ཀུན་ཏུ་བཟང་པོ་ལ།། དེ་ཉིད་སེམས་ཀྱི་རོལ་པ་ཡིན།། ཅི་ལྟར་མཛད་པ་འགལ་བ་མེད།། ཕྲིན
108b4 ལས་བྱ་བཙལ་མེད་པའོ།། དགེ་བ་དང་ནི་སྡིག་པའི་ལས།། ཐར་པའི་བྱེ་བྲག་ཐམས་ཅད་ལ།། སེམས་ཡིན་གཉིས་མེད་ལྷུན་གྲུབ་ལ།། བྱང་ཆུབ་སེམས་ཀྱི་ཕྲིན་ལས་ལ།། རྟོག་དང་མི་རྟོག་ལས་འདས་པ།། སངས
108b5 རྒྱས་མཛད་པ་ཁྱད་པར་ཆེ།། ཅིར་ཡང་མེད་པས་ཅིར་སྤྱོད་པ།། བདེ་བ་ཆེན་པོའི་མཛད་སྤྱོད་ཡིན།། ཀུན་གཞི་མ་བྱུང་མ་སྐྱེས་པ།། སྒྲོལ་སྦྱོར་ལ་སོགས་ཅི་སྤྱོད་པ།། གང་ལ་ཡོད་མིན་མེད་པ་ནི།། བླང་དོར་མེད་པས
108b6 ཕྲིན་ལས་བཟང་།། དེ་ནས་དམ་ཚིག་ཀུན་ཏུ་བཟང་པོ་བཀའ་སྩལ་ཏོ།། ང་དང་བདག་ཏུ་ཕྱོགས་དང་རིས།། མི་མཐུན་སྐྱོན་གྱི་བྱེ་བྲག་ཀྱང་།། ཀུན་ཏུ་བཟང་པོར་དབྱེར་མེད་པས།། ཉེས་ལེགས་རྟོག་པ་བསྲུང་དུ
iiif viewer powered by OpenSeadragon
