| e-texts navigator |
| Wylie |
107b1 གཅིག་ཏུ་དྲིལ་བའི་དོན་ཀུན་ཏུ་བཟང་པོ་ལྔ་དང་ཆེ་བ་བཅུ་དྲུག་དང་རང་ལ་གནས་པ་དགུ་བཀའ་སྩལ་ཏོ།། དེ་ལ་ཀུན་ཏུ་བཟང་པོ་མན་ངག་གི་རྒྱུད་འདི་རྟོགས་པར་འདོད་པ་རྣམས་ཀྱིས། ངེས་པར་ཀུན་ཏུ་བཟང་པོ
107b2 རྣམ་པ་ལྔ་ཡིད་ལ་ཟུངས་ཞིག། དེ་ལ་ཀུན་ཏུ་བཟང་པོ་ལྔ་གང་ཞེ་ན།། ལྟ་བ་ཀུན་ཏུ་བཟང་པོ་དང་།། སྤྱོད་པ་ཀུན་ཏུ་བཟང་པོ་དང་།། ཕྲིན་ལས་ཀུན་ཏུ་བཟང་པོ་དང་།། དམ་ཚིག་ཀུན་ཏུ་བཟང་པོ་དང་།། རང་བཞིན
107b3 ཀུན་ཏུ་བཟང་པོའོ།། དེ་ལ་ལྟ་བ་ཀུན་ཏུ་བཟང་པོ་འདི་སྐད་ཅེས་བཀའ་སྩལ་ཏོ།། ཐམས་ཅད་ཀུན་ཏུ་བཟང་པོ་ལ།། འཁོར་བའི་ཆོས་དང་མྱ་ངན་འདས།། རྣམ་རྟོག་ཉིད་ཀྱང་ཡེ་ཤེས་པས།། ལོག་རྟོགས་ཞེ་སྡང་ག་ལ
107b4 ཡོད།། ཕྱོགས་རིས་མེད་པ་ཆོས་ཉིད་ཀློང་།། ཕྱི་ནང་མེད་པ་ཡེ་ཤེས་དང་།། བཟང་ངན་ཆེ་ཆུང་མེད་པར་མཉམ།། སྐྱེ་ཤི་འགྱུར་མེད་བྱར་མེད་སེམས།། འཁོར་བའི་ལོག་རྟོགས་མཚན་མ་ཡིས།། མཁའ་ལ་འཇའ་ཚོན
107b5 སྣང་བཞིན་གནས།། ཨ་ཨ་རྒོད་རེ་བྲོ།། ཉམས་སུ་འཛིན་པས་གོལ་བས་ན།། དབྱེར་མེད་མཉམ་པ་ཉིད་དུ་གསུངས།། ཆོས་རྣམས་ཐམས་ཅད་ཐོག་མ་ནས།། རྒྱུ་དང་རྐྱེན་གྱིས་མ་བཙལ་ཏེ།། ཡེ་ནས་ལྷུན་གྱིས་གྲུབ
107b6 པ་ལ།། བསྐལ་པར་བཙལ་ཡང་མི་རྙེད་པས།། མ་བཅོས་ཡེ་ནས་དག་པ་ལ།། ཐམས་ཅད་གཞན་ལས་སེམས་མ་ཡིན།། མ་བཙལ་གནས་པས་སངས་རྒྱས་ཡིན།། ཀུན་ཏུ་བཟང་པོའི་རང་བཞིན་ལ།། རྒྱུ་དང་འབྲས
iiif viewer powered by OpenSeadragon
