| e-texts navigator |
| Wylie |
106b1 སྙོམས་ཞི་བར་གནས་པ་མ་བཞིན་ཏེ།། འགྲོ་བ་རྟག་ཏུ་རྗེས་འཛིན་མཛའ་བཤེས་འདྲ།། ང་རྒྱལ་དགྲ་འཇོམས་རྡོ་རྗེ་བརྟན་བཞིན་ཏེ།། ཐུབ་པ་མཚོན་བཞིན་སྲིད་པའི་ཁྲི་ཤིང་གཅོད།། ཟམ་པའི་ཤིང་བཞིན་འགྲོ་བ
106b2 སྒྲོལ་མཛད་ཅིང་།། ཀླུ་ཐུབ་མེ་ཤེལ་བཞིན་དུ་སྦུར་རྣམས་བསྲེག། ཐུབ་པ་ཟླ་ལྟར་འོད་གསལ་གཏོང་མཛད་ཅིང་།། བློ་ཡི་པདྨ་ཁ་འབྱེད་ཉི་མ་བཞིན།། འབྲས་མཆོག་རྡོ་རྗེ་སྦྱིན་མཛད་ལྗོན་ཤིང་འདྲ།། ཐུབ་པ་བྱ
106b3 བཞིན་དྲང་སྲོང་ཚོགས་ཀྱིས་བསྐོར།། རྒྱལ་བའི་བློ་ཡངས་རྒྱ་མཚོ་འདྲ་བ་སྟེ།། འགྲོ་བ་དག་ལ་སེམས་སྙོམས་ཉི་མ་བཞིན།། རྨི་ལམ་བཞིན་དུ་སྟོང་པ་ཉིད་རྟོགས་ཤིང་།། འཇིག་རྟེན་རྗེས་སུ་མཐུན་འཇུག་ཆུ་དང
106b4 འདྲ།། ཐུབ་པ་མཚན་མཆོག་མངའ་བ་ཐུགས་རྗེ་ཅན། ཁྱོད་ཀྱིས་སེམས་ཅན་བྱང་ཆུབ་ལུང་ཡང་བསྟན།། སེམས་ཅན་མང་པོ་མཐའ་ཡས་ཁྱོད་ཀྱིས་བཏུལ།། བྱང་ཆུབ་མཆོག་རབ་ཏུ་ནི་བདག་ལུང་བསྟན།། དྲང་སྲོང
106b5 ཆེན་པོ་བདེ་གཤེགས་ཤེས་རབ་མཆོག། བདག་གི་འགྲོ་བ་ཉོན་མོངས་འཐབ་རྩོད་ཆེ།། སངས་རྒྱས་བྱང་ཆུབ་ལུང་བསྟན་དོན་ཆོད་ལ།། འགྲོ་ལ་དཔག་མེད་ཞི་བའི་ལམ་ལ་འཁོད།། སྟོན་པ་ཡེ་ཤེས་ཅན་ལ་ཕྱག
106b6 འཚལ་བསྟོད།། ཅེས་བསྟོད་དོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི་སེམས་ལུང་ཆེན་པོའི་མདོ་ལས། དོན་རྟོགས་པས་བསྟོད་པའི་ལེའུ་སྟེ་བཞི་བཅུ་ལྔ་པའི་ཐ་མའོ།། །། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་ཀྱི
iiif viewer powered by OpenSeadragon
